囍筷大排檔

營業中

休息中

碰上剛剛開業，難得鬧市中的大排檔，其實最原始既食肆應該只有人間煙火，唔使咩美顏修圖，味覺先係最真實。兩條友食左鍋塌蝦子豆腐，外脆內軟蝦子滿滿，仲有大蔥墊底；頭抽煎焗金錢鱔，薑蒜都煎到好香；蒜蓉蒸勝瓜，蒜蓉走過油夠曬香；再加兩碗靚仔。兩個人食唔曬打包做聽日午餐，埋單五舊水，係今時今日物價騰貴既日子，算係好實惠了。聽講老闆在坪洲經營大排檔多年，想把傳統大排檔菜式帶返市區。呢座嘢主打飲酒夜生活多年，似乎未見過有傳統大排檔開係呢度，希望小店可以生意興隆，不忘初衷。