影片
港鐵銅鑼灣站 B 出口
繼續閱讀
電話號碼
62136403
營業時間
今日營業
12:00 - 15:00
18:00 - 23:00
星期一至五
11:00 - 15:00
18:00 - 22:00
星期六至日
12:00 - 15:00
18:00 - 23:00
以上資料只供參考, 請與餐廳確認詳情
由坪洲開到嚟銅鑼灣，港式復古風，門口就已經係打卡位——霓虹燈招牌、懷舊牆壁，每一個角落都好似時光倒流返去舊香港咁📼🐟 馬友煎鹹鮮（⭐大推）每日由出名多靚魚既坪洲直送，新鮮、魚油脂一咬爆晒出嚟！煎到魚皮脆卜卜、魚油香到...🤤一啖落去即刻知道唔係普通街市貨。真係食過返唔到轉頭～🍞 帶子多士酥炸多士好鬆脆，冇油淋淋嘅感覺，每件上面鋪住兩大粒帶子，好豪氣～咬落去外脆內嫩，層次感勁足。性價比高，打卡又夠靚！🐙 椒鹽新鮮鮮魷外皮炸得夠酥脆，內裡仲保持到鮮魷嘅爽彈！椒鹽味唔會太heavy，啱晒拎住杯嘢邊夾嚟送～有啲似以前酒樓椒鹽中蝦嗰種風味，勁懷舊。🐚 口水花甲王花甲粒粒開晒口，醬汁係偏香麻辣口味，唔係嗰種淨咸！🍲 上湯魚腐浸時菜魚腐吸晒湯汁精華，入口好滑，配埋爽口嘅菜，係成餐飯入面嘅溫柔一頁～鐘意清淡啲嘅一定會鍾意呢味。🐍 頭抽煎焗金錢鱔香口濃味、鱔身煎得焦香，有鍋氣，配合頭抽嘅鹹香提鮮，係懷舊大排檔風味嘅精髓！啱晒啤酒控同飯控。🍊 富士山碳酸柚子飲品造型復古懷舊，打卡一流！味道甜甜，加上氣泡感勁開胃，食咗幾味濃味餸之後飲返杯真係透心涼～
繼續閱讀
今次嚟到銅鑼灣登龍街永光中心嘅囍筷大排檔，源自於坪洲呢個小島上，店舖延續坪洲主店主打新鮮海鮮，店主每日從坪洲攞新鮮活海鮮，保證顧客可以食到坪洲原味道，餐廳保留咗坪洲鄰舍氛圍嘅熱鬧感同埋人情味，同客人打成一片，亦為客人慶生搞氣氛。餐廳裝潢以懷舊港式大排檔氛圍為主，係一個好地道嘅體驗。脆皮芝麻雞囍筷大排檔嘅招牌座之一，雞肉外皮炸至香脆，雞肉鋪滿芝麻，外層滿口芝麻香，香氣四溢，內裏保持鮮嫩多汁。口水花甲王每日坪洲新鮮花甲，花甲肉質肥美，加上餐廳嘅秘製麻辣汁，麻中帶鮮，開胃過癮，麻辣加鮮甜充滿豐富味覺體驗。乾迫粉絲蝦煲 粉絲用砂煲鍋迫至乾身，砂煲鍋保持熱力同埋溫度，粉絲爽彈入味，粉絲吸收咗海蝦嘅鮮味，再搭上芫荽，非常惹味。懷舊炸大腸炸大腸炸至外酥內軟，油脂香氣濃郁，係好懷舊嘅香港街頭小食之一。鍋塔蝦籽豆腐蝦籽豆腐炸至金黃色，再加上醬汁喺鍋度燜煮至入味，口感外脆內嫩，蝦籽濃郁嘅鮮味同豆腐豆香結合，好鮮美。琥珀糖合桃琥珀糖合桃外層香甜酥脆，內層爽脆，帶有核桃香同埋焦糖味道。
繼續閱讀
銅鑼灣又一新店開業，今次迎嚟新式大排檔！呢間位於登龍街嘅上樓大排檔嚟自坪洲，阿叔間唔時都會到小島幫襯，佢哋嗰種別樹一格嘅飲酒氛圍真係攪唔掂，每次都令阿叔樂而忘返。今次餐廳登陸銅鑼灣，除保留島上每日提供新鮮生猛海鮮外，仲主打多款傳統特色小菜，口水花甲王、酥炸台山蠔、蜂巢荔茸帶子、脆皮芝麻雞、鍋塔蝦籽豆腐等，款款都經典十足。菜式夠懷舊，店內裝修亦好有舊時回憶，門口、樓梯多個霓虹燈招牌，既搶眼，又夠氣氛。跟老闆傾開，宜家仲喺試業階段，菜式、裝修都會逐步優化，到時期望會以更好嘅資態示人。🥢口水花甲王 ($78)阿叔唔太辣得，但呢個口水花甲王就真係辣得幾過癮。花甲味道夠鮮甜，配上店內自家製嘅香辣醬汁，非常惹味，送酒一流。唔怪之得係店內嘅招牌菜，絕對係嚟到必食菜式之一！🥢鍋塔蝦籽豆腐 ($128)「鍋塔」嘅造法係先煎再烹，師傅將豆腐薄蘸麵粉，裹蛋汁，炸至金黃色後，再落湯等豆腐煨至收汁。呢種烹調方法令豆腐口感濕濕地之餘，亦有外脆內軟嘅質感，配合蝦籽嘅鹹香，雙重滋味。🥢海鮮泡脆飯 ($238)大大份嘅海鮮泡飯，足夠阿叔今次同2位朋友每人食足2碗半。湯底百份百用上新鮮魚熬製，再加入大蝦、帶子、星班等海鮮，味道鮮甜。上菜時，店員會即時加入即煎脆米同芫荽碎，前者增加口感層次，後者就提升鮮甜度，不如不覺，我哋三個就KO 咗成煲。
繼續閱讀
呢日搵咗呢間銅鑼灣嘅樓上餐廳，餐廳名有大排檔嘅字眼，不過環境同衛生都好過大排檔好多🤭 嚟呢度梗係要食海鮮同鑊氣小炒啦 。豉椒炒蟶子餐廳用咗蘇格蘭蟶子，蟶子逐隻計錢🤓 蟶子每隻都好大條，入口幾爽口，豉椒炒夠晒惹味🥳椒鹽鮑魚我哋每人叫咗一隻鮑魚，鮑魚厚身，咬落口幾彈牙😎 唔會因為椒鹽嘅味道，而蓋過咗鮑魚嘅鮮味。生煎馬友肉餅呢個係店員推介嘅菜式，入面有馬友魚肉，味道略帶點鹹香🐟 肉餅半肥瘦，入口Juicy，令人忍唔住一啖接一啖咁食晒🤩鍋塔蝦籽豆腐呢個係傳統嘅菜式，面頭嘅蝦籽香味十足，炸粉唔算好厚，包裹住嫩滑豆味濃郁嘅豆腐😍 個人好喜歡呢個菜式。蜜椒薯角牛柳粒一上碟已經聞到好香，好有鑊氣😮 牛肉都幾軟腍，味道惹味，送飯一流🙊坪洲懷舊芝麻餅而家打卡仲送呢一個嘅芝麻餅，店員同我哋介紹真係喺坪洲拎過嚟㗎😂 勁香脆，而且芝麻餅嘅面佈滿黑白芝麻☺️餐廳係由坪洲起家，但係而家唔駛入離島，喺銅鑼灣都嘆到高質嘅新鮮海鮮啦😉 餐廳午市時段仲有供應$60免加一嘅套餐，打工仔過嚟食lunch都好抵啊😎
繼續閱讀
今日嚟到呢間位於登龍街既囍筷大排檔食午餐，剛開門我就到店，找了個舒適卡位坐下，望下個餐牌，有我鍾意食既蒸肉餅，咁就手機落單要了一份。首先嚟係杯凍奶茶，跟住係碗倒湯，略嫌偏淡，等咗15分鐘咸蛋蒸肉餅就送上枱，份量適中，肉餅醃得入味兼好味，蒸得唔太淋口感豐富，好餸飯，咸蛋唔太咸，整體滿意。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
繼續閱讀