吉壽日本料理 (已結業)

前幾日同同事farewell, 近近地揀左地鐵站附近嘅吉壽食！講起呢個放題餐廳，真係講緊十年前我讀緊中學，佢係銅鑼灣個陣就已經食過佢，石以叫做原祖級放題！比起以前，依家香港百花齊放，唔諗多D花臣都好難留到客下次食你！呢間放題一坐底已經可以出去攞少少前菜、小食同生果食！碗仔同酒煮辣雞翼都有，最緊要你有肚載！味道唔錯，不過不失！出面仲有成個飲品櫃比你自行了斷，不過有d失望個櫃無Apple cider!點左好多唔同食物，個穴子壽司好有霸氣，長到見唔到粒飯，種種壽司味道都唔錯，可以食多少少都唔滯！芝麻雞翼非常香口，又入味，脆卜卜，無得輸！蟹棒天婦羅，重點唔係佢係天婦羅，係因為佢整條蟹棒熱辣辣，啖啖肉好滿足！海膽手卷雖然size細，但海膽比例上份量都好夠，而且都幾鮮甜。最後梗係依雪糕🍦，味道唔太甜，仲有好多配料比你做topping,不過雪糕個質地我就麻麻，比較比沙冰咁嘅感覺。