Chotto Maki (廈門街) (已結業)

今日外賣幫襯了一間係灣仔的壽司店，店內有好多新鮮嘅卷物，全部係即叫即包，似壽司版本嘅subway，可以睇店員包材料及加醬汁。裝修短簡潔景明亮，紅藍顏色好鮮艷，感覺有啲似係紐約soho 食嘅日式外賣店。今日叫咗crunch 手卷，外層有山葵及黑芝麻醬，頂有啲脆脆嘅櫻花蝦及天婦羅碎，內層有蛋，沙津菜，蘆筍及三文魚，咬落香脆，口感豐富，醬汁味道濃香，帶點生葵辣味，各種食材混合，又幾配搭。另外叫了C dragon 卷，內層有鰻魚，紫菜及飯，外層有啲鰻魚汁，橙及綠色的蟹籽，顏色非常之吸引及鮮艷，味道似平常嘅鰻魚手卷，不過口感多咗一個層次，尤其是外層的天婦羅碎，很蘇脆，感覺特別，加埋啲沙律醬，味道又幾夾。食日本壽司其實自己都幾鍾意加洲卷，覺得口感特別，幾鍾意甜甜的沙律醬，你話係咪正宗日式又唔算，有啲似今日呢間店，唔係全日式，不過味道幾清新，又幾西式！