影片
更多
2021-07-11
41 瀏覽
之前聽過住元朗既朋友介紹，天空之城有間幾有特色嘅餐廳，於是今日趁星期五老公放工後特登入嚟試吓！一去到門口就已經覺得好特別，有啲似西貢嗰啲海鮮店，但枱櫈，裝修又有少少酒吧feel😊 我哋叫咗$198餐，海鮮方面每人有兩隻蝦、一隻生蠔、一隻鮑魚、一隻聖子、一個扇貝同一碟蜆。最特別嘅地方係可以自己揀海鮮，鍾意邊隻就自己夾！店員好好仲送一隻蟹俾我哋❤️❤️首先店員會幫我哋放咗粥底，係南瓜芋頭豬骨粥，之後先蒸蟲草雞。蟲草雞醃得好入味，咬落去啖啖肉！😍之後就逐樣海鮮蒸。店舖好細心，每張枱都有個牌寫住每樣海鮮蒸幾多分鐘，手殘都識煮😉海鮮都算新鮮，仲可以自己加蒜蓉粉絲😋😋特別要讚嘅係隻蟹，雖然叫肉蟹，但都好多膏好香。最正嘅係海鮮嘅精華（汁）流晒落粥底度，令粥鮮甜香濃！☺️最後要講下隨餐附送嘅溫泉蛋同糖水都唔錯，整體來講成件事都幾新鮮同得意，又有啲靚嘅打卡位，不過揸車就會方便啲😉
我哋叫咗$198餐，海鮮方面每人有兩隻蝦、一隻生蠔、一隻鮑魚、一隻聖子、一個扇貝同一碟蜆。最特別嘅地方係可以自己揀海鮮，鍾意邊隻就自己夾！店員好好仲送一隻蟹俾我哋❤️❤️
首先店員會幫我哋放咗粥底，係南瓜芋頭豬骨粥，之後先蒸蟲草雞。蟲草雞醃得好入味，咬落去啖啖肉！😍之後就逐樣海鮮蒸。店舖好細心，每張枱都有個牌寫住每樣海鮮蒸幾多分鐘，手殘都識煮😉海鮮都算新鮮，仲可以自己加蒜蓉粉絲😋😋
特別要讚嘅係隻蟹，雖然叫肉蟹，但都好多膏好香。最正嘅係海鮮嘅精華（汁）流晒落粥底度，令粥鮮甜香濃！☺️
最後要講下隨餐附送嘅溫泉蛋同糖水都唔錯，整體來講成件事都幾新鮮同得意，又有啲靚嘅打卡位，不過揸車就會方便啲😉
張貼
