5019 Premium Factory (嘉咸街) (已結業)

牛魔皇，又鍾意食漢堡包嘅我，冇諗過呢度有間咁有水準，由日本人打理嘅小店。平時食開都係西式漢堡包，朋友介紹呢個日式漢堡包，係由日本高知縣名產龍馬漢堡黎的，全部由日本進口自己進行免治既日本和牛扒。望下個餐牌價錢都好合理，我叫左個嫩蛋和牛漢堡 Wagyu Egg Burger $78，加＄30可以要個薯條或沙律，同加一杯野飲。頭先嚟咗個沙律先，沙律好新鮮爽口，唔知點解特別好食，平時自己整唔會咁好食。漢堡超級足料，仲要好厚，啖啖肉充滿肉汁，仲要加埋我最鍾意嘅蛋，再加埋個醬汁真係好夾，咬落去好滿足。我同朋友都食得滿足。推介有質素同埋服務好。