影片
更多
2025-04-08
351 瀏覽
今次同朋友試咗灣仔「名門私房菜」嘅商務四人套餐，整體水準唔錯，有驚喜！ 杏汁豬肺湯好足料，豬肺煎得香，湯底濃郁帶杏汁甜味，白果同瘦肉令味道更豐富，飲完喉嚨好舒服。 冰鎮鮑魚，爽口彈牙而且好大隻，配wasabi燒汁好夾，鮮味突出，凍食夠開胃。 黃金麥皮蝦係我嘅最愛！鹹蛋黃香濃，麥皮脆口，蝦肉新鮮彈牙，而且係超大隻嘅虎蝦，食完想encore！ 生煎金錢蓮藕餅煎得香脆，蓮藕爽口，夾住肉餡，口感豐富。 薑蔥蠔蠔身飽滿肥美，薑蔥爆得夠香，蠔味鮮甜無腥味。 古法瓦罉豉油雞好有驚喜！雞肉嫩滑，豉油香甜，仲帶淡淡玫瑰露酒香！ 金腿蒜子浸菜心清甜爽脆，面頭有金腿鹹香提鮮，平衡返成餐嘅濃味。 名門炒飯鑊氣足，蝦仁同叉燒份量多，飯粒乾身，仲有少少飯焦香，正！ 最後仲有甜品送，當日係海帶綠豆沙，唔會太甜，食落幾清新解膩。 整體嚟講，呢個套餐食材新鮮，味道傳統得嚟有心思，適合朋友聚餐或商務飯局！
杏汁豬肺湯好足料，豬肺煎得香，湯底濃郁帶杏汁甜味，白果同瘦肉令味道更豐富，飲完喉嚨好舒服。
冰鎮鮑魚，爽口彈牙而且好大隻，配wasabi燒汁好夾，鮮味突出，凍食夠開胃。
黃金麥皮蝦係我嘅最愛！鹹蛋黃香濃，麥皮脆口，蝦肉新鮮彈牙，而且係超大隻嘅虎蝦，食完想encore！
生煎金錢蓮藕餅煎得香脆，蓮藕爽口，夾住肉餡，口感豐富。
薑蔥蠔蠔身飽滿肥美，薑蔥爆得夠香，蠔味鮮甜無腥味。
古法瓦罉豉油雞好有驚喜！雞肉嫩滑，豉油香甜，仲帶淡淡玫瑰露酒香！
金腿蒜子浸菜心清甜爽脆，面頭有金腿鹹香提鮮，平衡返成餐嘅濃味。
名門炒飯鑊氣足，蝦仁同叉燒份量多，飯粒乾身，仲有少少飯焦香，正！
最後仲有甜品送，當日係海帶綠豆沙，唔會太甜，食落幾清新解膩。
整體嚟講，呢個套餐食材新鮮，味道傳統得嚟有心思，適合朋友聚餐或商務飯局！
張貼
