影片
更多
2018-02-02
51 瀏覽
朋友係荃灣地膽，帶左我黎呢間係荃灣新開既浜燒，話呢到主打食材由北海道新鮮直送。蟹籽沙律青瓜絲同蟹柳條都好新鮮，加埋脆卜卜既蟹籽，口感變得更有層次，幾開胃。唐場雞軟骨炸得好香脆又夠晒熱，擠埋檸檬汁食味道更加清新。什錦天婦羅同唐場雞軟骨一樣係新鮮炸起，熱辣辣。天婦羅既炸皮唔會太厚，算係炸得幾有水準。黃金蟹膏甲羅燒食浜燒又點可以唔叫甲羅燒呢。一黎到已經覺得賣相好精美，上面除左有味噌蟹膏，蟹籽同蟹肉，仲有隻剝左半邊殼既鵪春蛋，到真係燒既時候職員會幫你倒隻鵪春蛋落去。呢個甲羅燒味道好香濃，撈白飯食一定味道一流。龍蝦龍蝦肉好有嚼勁又彈牙，個醬汁仲要好惹味，有好濃郁既蝦膏味。辣海鮮卷味道唔算特別辣，怕辣既朋友都可以試下。中間夾左三文魚刺身，味道幾鮮甜。壽司飯本身已經好夠味，上面仲淋埋千島醬，唔洗點豉油都已經好惹味。泡菜豚肉鍋（竟然發現唔記得影相）成個泡菜豚肉鍋味道都好濃，幾惹味，但唔算辣。配料非常豐富，有菇，豆腐，蔬菜，仲可以自己打隻蛋落去。豚肉肉質都幾嫩滑，呢個鍋算係幾有驚喜。最後我地叫左兩杯野飲，分別係檸檬可樂 Highball同麒麟青蘋果味冰啤。麒麟青蘋果味冰啤既賣相幾得意，上面有一大舊啤酒泡
蟹籽沙律
青瓜絲同蟹柳條都好新鮮，加埋脆卜卜既蟹籽，口感變得更有層次，幾開胃。
唐場雞軟骨
炸得好香脆又夠晒熱，擠埋檸檬汁食味道更加清新。
什錦天婦羅
同唐場雞軟骨一樣係新鮮炸起，熱辣辣。天婦羅既炸皮唔會太厚，算係炸得幾有水準。
黃金蟹膏甲羅燒
食浜燒又點可以唔叫甲羅燒呢。一黎到已經覺得賣相好精美，上面除左有味噌蟹膏，蟹籽同蟹肉，仲有隻剝左半邊殼既鵪春蛋，到真係燒既時候職員會幫你倒隻鵪春蛋落去。呢個甲羅燒味道好香濃，撈白飯食一定味道一流。
龍蝦
龍蝦肉好有嚼勁又彈牙，個醬汁仲要好惹味，有好濃郁既蝦膏味。
辣海鮮卷
味道唔算特別辣，怕辣既朋友都可以試下。中間夾左三文魚刺身，味道幾鮮甜。壽司飯本身已經好夠味，上面仲淋埋千島醬，唔洗點豉油都已經好惹味。
泡菜豚肉鍋
（竟然發現唔記得影相）成個泡菜豚肉鍋味道都好濃，幾惹味，但唔算辣。配料非常豐富，有菇，豆腐，蔬菜，仲可以自己打隻蛋落去。豚肉肉質都幾嫩滑，呢個鍋算係幾有驚喜。
最後我地叫左兩杯野飲，分別係檸檬可樂 Highball同麒麟青蘋果味冰啤。麒麟青蘋果味冰啤既賣相幾得意，上面有一大舊啤酒泡，入口夠晒綿身，啤酒味道好有蘋果既果香，夠晒甜，好啱女仔飲。唔洗飛去日本都食到咁有質素既浜燒，真係好滿足。職員仲會閒時過黎幫你燒野，就算手殘都唔怕會燒燶野啦。
張貼
