平成二十二日本料理 (已結業)

果次係佐敦食完日泰郎放題感覺都唔錯，今次同個friend係山林道發現左間平城二十二，仲正，真係一山還有一山高!1.刺身好新鮮，大部份魚生都係肥美腩位，推介劍魚腩、三文魚腩同希靈魚，都要食，因為出邊好少有，但可惜無帶子，得貝柱有鮮味但細粒D。2.出菜時間較一般放題慢，尤其是燒物要等15分鐘度，侍應話係即叫即製，食左燒青鯖，真係做到外脆內軟既! 我覺得抵等好過快唔好食，但趕時間既就等唔過!3.小食有水準，試左魷魚仔，牛油果吞拿魚沙律都唔錯，我幾鍾意佢個日本蕃茄，螺肉一般，D汁太淋。4.壽司好食既有天使蝦同霜降牛肉，食放題唔建議食壽司，因為好快飽，但呢兩樣可以試得過!5.火鍋我都有試，D蝦好大隻，黑豚肉好味!6.天婦羅好脆，蝦同蠔都好食，多春魚一般般，乾左D!7.有雪榚食，豆腐味我鍾意!8.野食唔算多，但質數係唔錯，廚師係有心機，想食放題但又有要求既人真係試得過! 想食過得多，上菜一碟接一碟唔停食到嘔既就唔啱去!食放題都要食得有質素，我食得出呢間平城二十二係有心機做料理。