喜記避風塘炒辣蟹 (已結業)

銅鑼灣「鵝頸橋」附近一帶食肆林立，其中尤以避風塘式食品最普遍。避風塘式食品嘅特色係辣同埋濃烈嘅味道，務求使官能刺激，尤其係味覺推至極點。之前我同友人都試過「橋底辣蟹」同埋「辣蟹莊」，以前者較佳，今次一行四人去咗「喜記」嘅新舖頭。「喜記」嘅新店以較為西化處理，入到大堂會有一種十分乾淨嘅感覺，與其他地面「立痴痴」嘅感覺有很大差別，需要响呢度加分。是晚我地叫咗幾樣必食嘅嘢，包括「橋底辣蟹」、「東風螺」、「椒鹽鮮魷」、「蟹油炒麵」、「油鹽水煮蜆」、「白灼蝦」、「金銀蛋莧菜」等。個人嚟講其實都幾怕食蟹，一來太毒身體受不了，二嚟剝殼好煩，所以每次食「橋底辣蟹」，我都只會食蟹蓋同埋一隻蟹拑。今次用嚟祭我地五臟廟嘅蟹份量十足，咬落去啖啖肉，雖然外面有唔少炒得幾香嘅蔥、羌、蒜頭等覆蓋著，但係蟹肉仍然很鮮美，當然咁大隻蟹，蟹糕都十分可觀，膽固醇無可避免直線上升。東風螺、白灼蝦、蜆嘅肉質亦很可口，配以辣醬佐口，的確係人間極品。椒鹽鮮魷質素則一般，有點兒放得太耐而淋咗；至於炒麵麵身過硬，亦炒得唔係好香，有些失望。環顧蟹油炒麵，都係西灣河嘅「越華會」最好。是次埋單(連代客泊車)一共一千二百蚊，平均每人三百蚊，以