投鮮食 (已結業)

下午來到旺角一帶，本來諗住買杯野飲，見佢有飯盒小食賣，價錢不貴不如試下啦，幫襯下小店通常有驚喜嘛。同朋友一人一個飯，再加個小食，咁咩都夠飽啦。呵呵，有得食啦，即叫即做嘅關係都要等好一陣嘅。用紙飯盒感覺環保啲，拎上手都幾重喎，仲諗住係輕食黎添。自己點左呢杯暗黑朱古力幼沙，飲落有粒粒朱古力，口感唔錯，最正係超級濃郁嘅朱古力味呀！又唔甜非常合口味，真係唔係講笑，好飲過主打朱古力嘅名店。呵呵，凍飲加上有少許秋意嘅陽光，真係無得彈，encore之選！自己點左鰻魚飯，五十幾蚊有成條鰻魚去邊度搵呀，咁當然唔會係頂級靚貨，但呢個價錢收貨有餘啦，鰻魚肥美唔腥又無骨，一定正過某啲連鎖壽司店，而且鰻魚汁再加上珍珠米真係好好味㗎，讚呀！朋友點左雙重牛飯，一向相當喜歡食牛嘅佢話啲牛柳粒好滋味，有牛油又唔韌，牛肉片嫩滑半肥瘦（叉燒咩？哈哈），啲飯充滿著牛油香好正咁話，而且份量好多，細細個飯盒食落仲大碗過x野家個大飯喎。仲有蟹肉忌廉薯餅，一向鍾意食呢種可樂餅，超市熟食店都唔平呀，仲係炸定十年咁樣，呢度即叫即炸好味好多！香脆外層，入面係軟綿綿嘅忌廉，熱辣辣唔油膩，新鮮炸點都無番炸咁油啦，爆漿嘅忌廉餡太正了，不過真係好