東歐餐廳

睇完杜生個節目後就好想嚟 但由於真係太多人 位難book到一個點 最後book到一個星期六午市都照殺😆餐廳其實分左幾部分 不過枱都算放得多 所以位置就唔會話特別寬敞 但都唔會話坐得唔舒服嘅首先叫左個羅宋湯 一直都知俄羅斯個邊嘅羅宋湯同香港飲嘅係唔同 而烏克蘭個邊都係咁個湯主要係紅菜頭 蕃茄 薯仔 味道幾鮮甜 而且幾大碗 夠兩至三個人share牛脷盅 佢有層穌皮係面 但最後侍應會將佢分開 等穌皮唔會淋 我地可以點芝士漿食雖然睇落唔大盅 但入面牛脷份量好足夠 而且牛脷煮得好淋好好味😋烏克蘭煎薯餅煎嘅感覺唔會有炸咁膩 而入面真係滿滿嘅薯仔蓉 點sour cream會令味道更中和 係一個比平時食嘅薯餅更樸素同實在嘅薯餅😂呢個係燒豬肋骨 都係招牌菜之一味道會有陣香料味 我自己覺得呢個係唔錯 但未至於好好食 d肉唔夠淋 但就真係幾大份😂烏克蘭芝士餅最後呢個甜品係熱食入面嘅芝士好香 但唔會平時食個種好濃穌味較咸嘅芝士 呢個比較薄身同香 熱辣辣食好正 配埋個莓醬就更多層次 整體而言係特別又唔會膩嘅甜品🍮最後朋友仲叫左杯黑咖啡 佢話好好飲 有陣果香味 最後問先知係台灣咖啡☕️Overall我覺得係好有特色