影片
更多
2023-08-18
42 瀏覽
My Ahjussi 係一間韓式風格Café，一入到去就會俾天花板的花海所吸引左，木系格調令你好似有家的感覺。睇番Menu，其實由小食到主菜都有唔少吸引的選擇，而當中二人餐可以試晒呢度的特式菜，仲包埋飲品同甜品，價錢連加一都係平均每人$200到，都算幾抵食!今次的選擇都係以韓風為主，小食就揀左炸泡菜餃子，泡菜餡的餃子就食得多，但炸韓式餃子就比較少。韓式餃子皮炸過後變得香脆，而裏面的泡菜混入豬肉當中幾開胃惹味，作為前菜岩岩好。主菜就揀左卡邦尼煙肉泡菜意粉同埋手工海鮮薄餅。卡邦尼意粉做得幾正宗，醬汁唔會好稀、小汪汪的感覺，而係包住每一條意粉，做到「掛汁」的效果。由於本身有芝士同埋煙肉，平時食幾啖都好膩，而呢度加左泡菜後令意粉添上酸辣的味道，開胃得黎又可以解膩，令你食完會想繼續再食。至於手工海鮮薄餅超足料，每一啖食落去都食到唔同的海鮮，包括魷魚、蝦、蟹柳等。而薄餅皮唔算好厚，食落去都幾鬆脆。千島醬同海鮮本身就好夾，仲加埋3款芝士，加埋菠蘿令味道更加豐富。飲品方面叫左芒果梳打同埋凍泡沫朱古力，兩杯都唔會過甜而朱古力夠香濃，手作甜品味道都唔錯，入口味道清新微甜。My Ahjussi係韓文當中有中
今次的選擇都係以韓風為主，小食就揀左炸泡菜餃子，泡菜餡的餃子就食得多，但炸韓式餃子就比較少。韓式餃子皮炸過後變得香脆，而裏面的泡菜混入豬肉當中幾開胃惹味，作為前菜岩岩好。
主菜就揀左卡邦尼煙肉泡菜意粉同埋手工海鮮薄餅。卡邦尼意粉做得幾正宗，醬汁唔會好稀、小汪汪的感覺，而係包住每一條意粉，做到「掛汁」的效果。由於本身有芝士同埋煙肉，平時食幾啖都好膩，而呢度加左泡菜後令意粉添上酸辣的味道，開胃得黎又可以解膩，令你食完會想繼續再食。
至於手工海鮮薄餅超足料，每一啖食落去都食到唔同的海鮮，包括魷魚、蝦、蟹柳等。而薄餅皮唔算好厚，食落去都幾鬆脆。千島醬同海鮮本身就好夾，仲加埋3款芝士，加埋菠蘿令味道更加豐富。
飲品方面叫左芒果梳打同埋凍泡沫朱古力，兩杯都唔會過甜而朱古力夠香濃，手作甜品味道都唔錯，入口味道清新微甜。
My Ahjussi係韓文當中有中年哥哥的意思，睇番傳媒報導，原來店主Tim曾經係社企工作，一直致力推廣共融社會，所以堅持聘請特殊人士作為店員，甚至擔任廚師同咖啡師等，而店主Tim就係佢地的「Ahjussi」，作為大哥哥幫助佢地自力更生，適應正常人的生活，非常有意義!
張貼
