吞POT 雞煲火鍋.住家菜 (已結業)

上星期因為朋友生日，所以就去咗呢間"呑POT" 食雞煲打邊爐呑POT嘅位置都幾方便，係旺角地釣站行過去唔洗5分鐘～～因為有朋友生日關係啦，我地買咗個蛋糕上去，staff都好好地幫我地雪起佢。一坐低之後覺得環境好舒服，而且又唔會太嘈，可以同朋友好好傾計，仲有佢地安排我地坐靠窗嘅位置，個景可以望哂成個旺角！之後staff都咗啲餐單我地睇，仲介紹佢地最多人食係咩，有咩推薦，服務冇得彈！最後我地都係揀返重慶麻辣雞煲半隻（小辣），之後再慢慢睇下食咩打邊爐過咗一陣，佢地攞咗一set調味料比我地，種類都幾齊全，想加咩都有！期待已久嘅雞煲終於上台！！！一開蓋個香味令人口水都流埋，成個雞煲好香好惹味，夾一舊雞黎食發覺唔會好硬好咸，反而覺得好入味同嫩，再加埋洋蔥一齊食好好食！  之後我地慢慢食雞煲個陣再嗌埋打邊爐料，我地嗌咗娃娃菜，魚皮餃，蜂巢豆腐，炸魚皮，$1肥牛，烏冬，金菇$1肥牛係因為佢做緊推廣，食落都幾重牛味食完雞煲之後，我地就叫staff幫我地加湯打邊爐，加咗湯之後唔會變得淡咗，反而多咗個雞煲香味仲有仲有！！好推薦大家試佢地個炸魚皮！！因爲係自家制即叫即炸嘅關係，所以一上枱熱辣辣，但佢又唔會炸得