禮記 (已結業)

行完Donki ，發現附近多咗新餐廳，今次就揀咗呢間坐得舒服既餐廳到食中菜，每圍都包前菜1小碟，茶杯每隻都唔同又幾靚喎😃 🔸️銀芽肉絲脆麵 呢味餸真係心機之作，上枱好震撼，店員會等你影完相先淋上芡汁，再將麵剪開，脆麵又脆又軟的口感，又唔會覺得太油膩 🔸️銀杏鮮腐竹扒時蔬 用一個石鍋裝住，湯底好奶白色，白果同腐竹好夾，時蔬吸收晒上湯精華特別好味，湯底亦好清甜 🔸️懷舊鳳梨咕嚕肉 粉漿唔會過厚，擺盤精美，最怕就係食到勁酸既咕嚕肉，呢個酸甜度剛好，好開胃 🔸️椒鹽魷魚鬚 炸漿好鬆脆，魷魚又保持爽身，食落微辣，入面片魷魚可以再大舊少少咁就好