AEON Supermarket (已結業)

110114 星期五 | 又得一個人開餐，記得上次喺吉之島買過啲壽司卷好食，於是走去逛一逛，不過天寒地冬，都係食啲熱嘢好啲喎，所以最後都係轉汰，買咗韮菜豬肉餃 ($10五隻) 和牛肉餅 ($12兩個) 做晚餐。韮菜豬肉餃都幾OK，都幾多餡，但個皮相當厚，不過$10五隻餃子，這樣的貨色，都係咁上吓啦。至於個牛肉餅，食咗成半個都唔見餡嘅，個餅的質地，有啲似麵飽，但無麵飽咁腍身，少少甜甜地，再咬多幾啖，終於見到餡料啦，咦，點解唔似牛肉嘅，唔論顏色、口感，都似豬肉多啲喎，但明明同售賣員講我要牛肉餅，又明明見住佢喺寫著牛肉餅的盤子夾咗兩件餅俾我㗎，相信佢哋之前將唔同餡料嘅餅放在盤子上的時候已弄錯了，算啦，豬又好、牛又好，飽肚就算啦，我食嘅應該係榨菜豬肉餅，味道OK嘅，不過如果多啲餡料同埋唔好側埋一邊就好啦。