AEON Supermarket (已結業)

周日晚飯無咩頭緒，日日出街食都悶不如回家嘆下冷氣，決定到吉之島買外賣回家﹗吉之島壽司刺身，過左7:00pm左右便有特價，好似係愈夜愈平，正是我入貨的時候。揀了個壽司拼盤加多個刺身，$130﹗壽司其實還可以的，起碼飯雪得太硬有，刺身亦算新鮮，平平地，兩個人自己橕下枱腳之選。最近愛喝Soju，Soju加半個檸檬及梳打水，入口甘甜，飲得舒服﹗

魷魚鬚炸得香脆但食落唔油膩佢用左少少椒鹽調味,不過就好均勻同份量適中唔會一條濃味一條冇味咁,又唔嗆喉仲有d魷魚鬚好大條同幾粗身唔係平時見到成堆粉coat住扮足料果d真心覺得抵食既

見到呢度成日都好多野食，所以就黎左！$10有個炒飯都幾平，不過我唔係立即食，放左去雪櫃，過左1日飯已經硬哂，好乾，食唔到d咩味道手卷，其實都幾貴下，同埋我唔覺得有咩特別始味，所以去曾通店買會好d可能，飯有d乾，不過內裡都足料呢個好抵，咁大個先$6，燒餅黎的，有紅豆，另外個個唔記得，不過都好大舊好好味！

前陣子乜電視台話外賣壽司含菌量極高,本人抱負大無謂精神去試一試本人發現吉之島內有2檔不同壽司公司,本人從包裝及壽司賣相選擇了一間印有"中島水產"其實價錢除開每件壽司唔洗$4其實買壽司時間可以留意下減價時段去買,會比正價平日$8-$10(每盒)

剛剛才知吉之島這supermarket 的出品也可給我寫寫食評, 每次放工路經apm, 必忍不住走到地庫搜羅一下減價飯菜, 事關實在好抵食～　是日發現紅酒煮牛尾, 減價後才廿幾蚊, 好大一兜, 此道菜雖卡路里一點不少, 但牛尾確是我favourite之一, 也不是天天有賣, 所以一見即落手, 評：牛尾都有五六件, size不小, 也好有肉地；汁太油膩, 但好香；配料有西芹甘荀大葱等都好甜好好味加上一包原價$10 (收檔前減價$6~) 的紅米炒飯, 評：...這個我常吃, 又香口又健康, 紅米也很多~"消夜雙紅"$30有找, 是OT到10pm後一頓好滿足的大餐！！！p.s）這裡的抵買飯菜, 買作翌日做午餐其實也很不錯~

110114 星期五 | 又得一個人開餐，記得上次喺吉之島買過啲壽司卷好食，於是走去逛一逛，不過天寒地冬，都係食啲熱嘢好啲喎，所以最後都係轉汰，買咗韮菜豬肉餃 ($10五隻) 和牛肉餅 ($12兩個) 做晚餐。韮菜豬肉餃都幾OK，都幾多餡，但個皮相當厚，不過$10五隻餃子，這樣的貨色，都係咁上吓啦。至於個牛肉餅，食咗成半個都唔見餡嘅，個餅的質地，有啲似麵飽，但無麵飽咁腍身，少少甜甜地，再咬多幾啖，終於見到餡料啦，咦，點解唔似牛肉嘅，唔論顏色、口感，都似豬肉多啲喎，但明明同售賣員講我要牛肉餅，又明明見住佢喺寫著牛肉餅的盤子夾咗兩件餅俾我㗎，相信佢哋之前將唔同餡料嘅餅放在盤子上的時候已弄錯了，算啦，豬又好、牛又好，飽肚就算啦，我食嘅應該係榨菜豬肉餅，味道OK嘅，不過如果多啲餡料同埋唔好側埋一邊就好啦。

110104 星期二 | 走去吉之島逛逛，又想食壽司做晚餐喇，買盒雙條三文魚鰻魚細卷 ($22.9) 回家慢慢食，三文魚和鰻魚都很新鮮，不用蘸醬料也好味，雖然鰻魚有啲細骨，不過可以吞埋落肚，問題不大，就咁揸住食，連碗筷都慳得洗。

101114 星期日 | 爸媽有節目外出，得自己一個人開餐，又懶得開爐，星期日晚飯時間周圍都很多人，於是走落吉之島買盒壽司回家慢慢嘆，一盒壽司拼盤 ($32.9) 有：三文魚手握壽司3件，蟹柳手握壽司2件，鰻魚手握壽司1件，青瓜壽司小卷2件，海藻軍艦壽司、八爪魚仔軍艦壽司和蜆肉軍艦壽司各1件，都相當豐富，還有wasabi和豉油各2包附送，壽司都是當日做、當日賣，所以都很新鮮，好好食，一邊坐在家中梳化看電視，一邊品嚐美味的壽司，唔駛同人迫，都幾寫意的呢。

100920 星期一，今天媽媽從吉之島買來一盒即食餸，豉汁蒸鯰魚頭腩，大大盒，幾乎迫爆個盒，廿八蚊，都幾抵，雖然無乜豉汁味，但味道總算唔錯，但那些魚腩，幾乎全是魚油羔，食一塊就好似飲咗幾羹魚油咁，好肥好「溜」，實在不宜多吃。

係觀塘做完野夜晚七點幾黎到supermarket搵食!!搵呀搵..........見到賣充滿麵粉成份既"上海包點"想買大大件既蔥油餅先既跟住個姨姨話$10兩件咁我地就要多件豆沙餅啦!!真係好抵食!!!!!!!!!件蔥油餅差唔多等於兩塊pizza既size!!!!而且個豆沙餅一d都唔細舊!!!講返味道啦蔥油餅係ok架質地實實地唔知炸定煎啦, 外層脆脆地不過我就鐘意咁樣, 有口感但係.........少蔥囉至於豆沙餅, 味道唔錯唔錯, 甜度岩岩好不過d豆沙餡就少左d咬左好多啖先有餡不過兩樣野都好味飽到我夜晚一點呀有機會既話我一定會再買黎食!!!!!!

買左壽司拼盆有三文魚, 魷魚, 螺肉, 蟹子, 蟹棒三文魚: 都幾肥美, 有油香, 幾新鮮, d魚唔會yu yu黑黑, 係薄左d lo魷魚: 有d漿口, 都算新鮮螺肉: d醬好鬼大pat, 又甜, d螺肉太碎蟹子: 咬落去卜卜聲, 又唔腥, 正爆蟹棒: 有雪味, 淡茂茂d飯煮得太硬, 一夾就散曬.....紫菜亦唔係好脆都係唔好貪平.....

Milk Top牛乳布甸$20 依家周圍都有得食，逛吉之島嗰陣，見到凍櫃有得賣，就買嚟試吓食落奶味濃，有香味，算滑，份量適中個樽仔幾得意，養吓魚仔都得我喺第二度食過佢啲雪糕，係紅豆味，唔得，食落好似沙冰咁，唔滑，冇奶味，紅豆味又唔濃

今日探完麻麻去了吉之皃閒逛.見到三文魚壽司又好想食,最後買了三文魚腩壽司,回到家雪一陣先攞出黎食.首先三文魚腩好肥美又有魚味,唔係淡茂茂或者勁重雪味,幾元一年壽司交足功課.只是不明為何飯總是煮到超硬,我食得硬飯的人都覺得硬了少許.如果可以鬆軟番少少就好,第二個問題就是飯總是沒有醋味,每次也像吃白飯一樣呢雖然三文魚腩部位貴過普通三文魚.不過,三文魚腩明顯好味道好多,貴少少都值得啊

吉之島做緊台灣節有好多台灣食品做緊特價.見到銅鑼燒$25有兩個,買咗北海道牛奶味同芒果味.擺咗室溫一陣先食,個皮好鬆軟又唔會濕澾澾.牛奶味好香濃;芒果味則較清甜,如果芒果味再濃d仲好.裡面既紅豆味道分明,仲有粒粒紅豆tim.

家姐昨晩看見電視某壽司店的廣告,她讓著要吃,還夾硬給我一百元要我今天買給她吃.由於一向她都不太愛吉之島的壽司,最後買了她喜歡的三文魚刺身.晚上取出刺身吃,一盒三文魚只有一包鼓油,會否孤寒一點呢??說回三文魚,三文魚望見己有光澤,吃下去有三文魚的味,唔會淡茂茂唔知在吃甚麼.不過,這盒三文魚都幾貴,57.8只有12塊,接近6元1塊,比起壽司店還貴.加上切得超薄,感覺不太抵呢??哈哈,今次終於沒有如以往般出事,可以安心地吃了.