古今二 (荃灣千色匯I) (已結業)

古今二一直都好有質素，之前都食過其他分店，今次都一樣保持到水準。一開始叫左個龍捲風沙律，入面有海藻，蟹柳等等，都幾fresh同埋好大盛。之前叫左個泡菜豚肉鍋，入面好足料，有粉絲，娃娃菜，冬姑，豆腐等等，面頭就擺左一堆泡菜，越煲越入味。之後叫左個雞泡魚乾，好好食，燒到岩岩好，仲可以點埋蛋黃醬，食到朋友好想叫番杯酒。卷物方面，我地叫左火山，姐係有帶子，青瓜，牛油果同埋蟹柳，口感好豐富，同埋帶子好多! 食落啖啖都有料。仲叫左個午夜牛郎，最特別就係佢係炸壽司，個邊邊係脆的，又真係第一次食!