百味鮮辣蟹專門店 (已結業)

今晚好想食小炒於是乎去了石塘咀電車站附近，聽講有間酒家抵食兼美味，無理由唔試下囉。前菜先嚟一個我最鐘意的鳳爪，爽脆有嚼口，用泡椒的方法，入口微辣好惹味。店員推介今天新鮮運到的象蛂蚌，一於金銀蒜蒸。嘩啦啦，面層鋪滿了粉絲和蒜茸，蒜香滲透，象蛂蚌好爽好鮮，正！避風塘炒蟹是人氣之選，炸蒜香味飄溢。蟹隻雖然不夠大隻，勝在肉質鮮嫩，啖啖肉，食到舐舐脷。小炒方面鑊氣夠，BBQ風味豬仔骨好吸引。有大量洋蔥作配料，惹味。豬仔骨肉質軟腍，伴飯一流。食過濃味莱式係時候來一個清清地的濃湯桂魚片，魚片好滑溜，魚味濃厚，頂瓜瓜！好滿足的一餐，食物水準不錯，又不會偏鹹。服務又殷勤，推介。