雲長小龍坎老火鍋 (已結業)

麻辣火鍋已經成功俘虜左香港人嘅心，唔同品牌嘅連鎖店開完一間又一間，雲長小龍坎都好受歡迎，有兩間分店。今日來到尖沙咀金巴利道嘅分店，呢度以卡位為主，又有大房。醬油自取呢度嘅麻辣湯底同蕃茄湯底都好受歡迎，我地點左雙拼，一次試哂兩款口味。蕃茄鍋底有好多切粒茄肉，味道都好出，至於麻辣鍋都係一般嘅材料，我地點少辣，唔會太過刺激，易入口，愈食會愈辣，正今日食得清D，少肉多菜，手打蝦丸一共六粒，用蒸籠配乾冰上，幾吸睛。蝦丸本身都幾彈牙，而且蝦味濃郁，好滿意另外點左雲吞同水餃半份，每樣四粒，裡面不至於爆餡，一口份量，味道唔錯，兩者有少許接近。玫瑰花豬頸肉好靚，手機食先啱哂！肉質冇經醃製姚食到豬肉原味。蔬菜方面我特別鐘意萵荀卷，將萵荀刨成薄片，正正因為咁，只需要輕輕淥一陣就食得，變相可以食到萵荀嘅爽之餘，又好甜，下次自己打邊爐都要片薄D最後唔少得豆腐，個人好鐘意，用來打邊爐一流，有豆味又香又滑！