影片
更多
2019-02-02
37 瀏覽
好友每逢過年都會外遊，歡度新歲，所以每年都會相約我提早食飯慶祝，今年當然也不例外。本來還煩惱該去哪裡吃，沒想到原來友人早有準備，說要帶我去吃日式燒肉。原來這個為食貓，從同事口中得知尖沙咀最近新開咗間叫「本佐」嘅放題店，最便宜只需 $278 就能嚐盡日本直送燒肉、刺身、炸物及和風料理，所以想趁機同我去試下。餐廳位於赫德道 Hotel Hart 3 樓，地方頗闊落，進門右手邊有張超巨型嘅圓形吧檯，而左手邊就以卡位為主，檯同檯之間用小屏風椅背作間隔，空間感強之餘，又有私隱度。先介紹一下這裡晚市放題嘅收費，星期一至四，每位 $278，而星期五六日、公眾假期及前夕就每位 $298，限時 2 個鐘，另收加一服務費。事不宜遲，立即落單，這裡是採用平板電腦落柯打，客人可隨時查閱自己所點的食物，有別於一般的剔紙仔，既環保又快捷。先逐一細看，項目包括有刺身、燒肉、海鮮、、野菜、小食及炸物。至於飲品方面，放題價係會包每位一罐汽水或一罐藍妹啤酒，不過如果 +$40 嘅話，就可以任飲汽水、藍妹同指定清酒。另外每張檯上都放了不少醬油同調味粉，客人可以因應自己的喜好，用來配燒肉吃。先由刺身開始，店裡的刺身共有 8
餐廳位於赫德道 Hotel Hart 3 樓，地方頗闊落，進門右手邊有張超巨型嘅圓形吧檯，而左手邊就以卡位為主，檯同檯之間用小屏風椅背作間隔，空間感強之餘，又有私隱度。
先介紹一下這裡晚市放題嘅收費，星期一至四，每位 $278，而星期五六日、公眾假期及前夕就每位 $298，限時 2 個鐘，另收加一服務費。
事不宜遲，立即落單，這裡是採用平板電腦落柯打，客人可隨時查閱自己所點的食物，有別於一般的剔紙仔，既環保又快捷。先逐一細看，項目包括有刺身、燒肉、海鮮、、野菜、小食及炸物。至於飲品方面，放題價係會包每位一罐汽水或一罐藍妹啤酒，不過如果 +$40 嘅話，就可以任飲汽水、藍妹同指定清酒。
另外每張檯上都放了不少醬油同調味粉，客人可以因應自己的喜好，用來配燒肉吃。
先由刺身開始，店裡的刺身共有 8 款，一場來到，當然要全部試勻，碟上有三文魚、本佐玉子燒、松葉蟹棒、仿鮑片、北寄貝、日本甜蝦、日本帶子及八爪魚。三文魚係筆者嘅至愛，當然要加碼，而這裡嘅三文魚，水準亦不俗，不但色澤鮮明，而且油潤肥美，口感一流。
因為要留肚食燒肉，所以壽司方面，就趣趣地，只揀了四款試下，有黃金龍蝦卷、火炙三文魚壽司、火炙和牛西冷壽司同火炙琉璃蝦壽司。幾款壽司，賣相雖然唔算好突出，不過味道都唔錯，而且 Size 偏細，就算食多幾件都唔會好飽。三文魚加了沙津醬喺面頭，經火炙後，油份溢岀，吃下有燒過的焦香。
點咗碗味噌湯暖下胃，呷一口，雖然只是微溫，唔算熱辣，但入口不覺死鹹，而且帶陣陣麵豉香，味道不俗。
試埋炸物先食燒肉，友人怕熱氣，所以只係揀咗三款，有香芋丸、唐揚炸雞同吉列炸蝦。香芋丸向來都是筆者嘅心水之選，而這裡的出品亦沒令人失望，咬下外層香脆，而內裡紫心餡亦軟綿細滑，加上甜度剛好，食兩粒當然唔夠喉，絕對值得 Encore 完再 Encore。
燒肉方面，餐廳會先送來一碟作為頭盤，當然客人亦可以喺平板度落單再加碼。既然餐廳打正旗號做燒肉放題，燒物嘅款式一定唔少。筆者雖然無將 Menu上嘅肉食全部掃勻，不過都試咗唔少。咁多款當中，最正嘅就係熊本一口和牛同安格斯極上牛仔骨，前者吃起來油香滿瀉、而後者亦牛味濃郁，脂肪比例剛好。至於豚肉方面，就有黑豚五花肉、黑豚裡肌肉、唐辛子豬頸肉等，款款惹味。
海鮮類花款亦不少，不過由於剛才吃了勁多燒肉，所以只選了我心儀嘅牛油燒日本元貝、海蝦、紐西蘭香草龍脷柳和活蜆。海蝦約五六吋長，非常大隻，肉質爽口彈牙，燒香後基本上不用放調味已經好好食。元貝肉厚鮮嫩，加上面頭放咗牛油，味道甘香濃郁。
食完咁多肉，緊係要點番啲野菜嚟平衡一下喇。揀咗牛油金菇、牛油粟米、冬菇、雞髀菇、翠玉瓜同糖心菠蘿。整體質素都唔錯，金菇入口充滿牛油香，味道鮮美；冬菇厚肉大隻，而菠蘿經輕燒後，入口亦香甜多汁，用作飯後甜品一流。
點菜後，食物非常快就送上，而且無試過漏單，吃得很滿意。臨走前見到餐廳有午市定食供應，價錢很經濟，最平 $48 已經有交易，而且 4 人同行，仲有 1 人免費，非常抵食，下次經過開會嚟試下。
張貼
