泰中意

營業中

休息中

第一次到大圍田心村食嘢，村內有一間泰中意餐廳，外面佈置左植物，田園生活風。生蝦刺身生蝦有成8隻放上蒜同辣椒，蝦肉鮮味彈牙之外，老闆將蝦頭炸到脆卜卜，咬落非常香口。牛油果大蝦沙律芝士碎、番茄仔、牛油果肉唔會太生，蝦肉爽口，新鮮沙律菜口感清新。泰式炒金邊粉芽菜同花生碎食起上嚟令金邊粉更爽口，金邊粉味道微甜炒得乾身，內裡還有豆乾、雞肉、蛋絲同彈牙蝦肉，令口感更豐富。碳燒豬頸肉有碳香嘅豬頸肉，外面微帶焦香，肉質柔軟亦唔柴，沾埋酸汁更醒胃。蜜糖咸檸梳打酸味嘅咸檸帶有蜜糖嘅微甜，清新又舒爽，唔係只得咸檸味，好正。椰汁珍多冰色彩鮮艷嘅珍多冰，椰汁椰漿帶出清香亦不過甜，珍多滑嘟嘟又爽口。