泰中意

營業中

休息中

今日同屋企人去到大圍行街， 行街後去左田心村醫肚。 在村內竟然有間高質泰國Fusion 菜式 。 餐廳闊落舒適，都算多人， 好多都係街坊。 好多款式選擇。最後叫了以下食物。 1. 泰式拼盤（$128）這道拼盤非常豐富，包含了蝦餅、素菜春卷、魚餅和單骨雞翼。今日有其中一樣未有貨， 睇黎泰好食，所以售馨，非常適合分享，且配有兩種醬汁，泰式辣醬和蜜糖。 蝦餅：蝦餅外脆內嫩素菜春卷：清新可口魚餅：鮮味也突出雞翼：香脆可口 2. 鮮柚子蝦球沙律（$83）沙律清爽宜人，蝦球鮮嫩，搭配柚子的酸甜味，讓整體口感更加豐富。適合在熱天享用，能夠有效解膩，增添一絲清新。 3. 泰式炒金邊粉（$95）炒金邊粉的味道濃郁，米粉有口感，煙韌。配料新鮮，搭配了大量芽菜和果仁碎和其他配料。讓這道菜色香味俱佳，口感豐富，好食。4. 芒果紫糯米（$68）甜品當然不能錯過泰式經典糯米飯，紫糯米香甜，搭配新鮮的芒果，口感柔軟且帶有濃郁的椰奶香味，為這餐畫上完美句號。

今日去左大圍搵朋友食飯，咁岩行過田心村果邊，原來果度依家發展到好多野食呀。咁岩見到呢間餐廳門面風格好特別，同埋都好多人係度食，好香呀行經過，所以決定入去食先。我地揀左香葉肉碎炒飯🩷🩷🩷🩷🩷呢個炒飯真係好夠鑊氣，而且佢啲料都好足，佢加左啲九層塔，辣椒仔，肉碎同埋小洋蔥炒到好香噴噴😍食落辣辣地好惹味。而且我仲叫左個冬陰功鮮蝦忌廉意粉🩷🩷🩷🩷🩷 佢個冬陰功味好濃，啲汁每一啖都掛滿曬係意粉上面，同埋啲蝦食落去好彈牙，無諗過佢將泰，中，意呢三個地方既美食整成呢碟fusion菜式，真係估唔到佢咁夾。仲叫左個炭燒豬頸肉🩷🩷🩷🩷🩷佢個豬頸肉真係燒得好夠炭香味，同埋佢燒得岩岩好，唔會太乾柴食落又夠juicy。而且佢點埋佢個酸辣汁好正！同埋叫左2隻鹽燒大虎蝦🩷🩷🩷🩷🩷好彈牙之餘，仲燒到好鮮味，同埋真係好大隻。仲有一碟馬拉盞炒椰菜苗🩷🩷🩷🩷🩷鹹香嘅椰菜苗，炒到好嫩，又唔會太老，綠油油既椰菜苗，每一條都掛滿晒馬拉盞嘅汁😍最後仲叫咗兩杯嘢飲，一杯椰汁冰一杯椰汁珍多冰🩷🩷🩷🩷🩷食到一條條嘅粉條，啲椰汁味都好濃，而且夠香惹味，解渴一流👍🏻五個心心為最高分泰中意 (大圍)大圍田心村254號地舖

隱身於沙田田心村的「泰中意」，以泰式與中式fusion菜驚艷味蕾。必點碳烧猪扒飯，碳火獨有的煙熏香氣渗透肉質，形成金黄微焦的誘人紋理，外皮焦香酥脆，内里鲜嫩多汁。搭配秘制泰式辣汁，食過番尋味。泰式紅咖喱烤鴨，完美演繹跨界融合，廣式燒鴨的酥脆外皮，浸泡在泰式紅咖喱的椰香辣湯中，鴨肉吸飽辛香卻不失本味，搭配白飯令人欲罷不能。小食亦見巧思：泰式炸香卷，外皮如越南春捲般輕脆，蘸蜜糖醬更顯層次。店家非常貼心，一杯簡簡單單既凍咖啡，奶同糖都分開上，由客人親自調教自己既味道，超級讚

今次嚟到大圍田心村，發現呢間有趣小店 泰中意，主打泰式 fusion 西式小食，食物賣相靚，氛圍輕鬆，有啲文青感。最吸引我係呢款炭燒豬扒牛角包，平時食得多bagel、漢堡，牛角包做主角就少見啦～🥩 炭燒豬扒牛角包伴薯條沙律 $95炭燒豬扒燒得幾香，肉厚唔韌，帶少少焦香，咬落肉汁仲保持得幾好。牛角包香酥鬆化，唔會搶咗主角味道，反而有加分效果。配菜有薯條同簡單沙律，份量適中，食完唔會太飽滯。以呢個價錢嚟講，食物質素同環境都算幾唔錯，大圍區想搵個chill位歎個輕食 brunch 或輕鬆午餐，呢度都係個唔錯選擇！📍泰中意地址：大圍田心村254號地舖

「泰中意」係我哋嘅首選。青木瓜沙律，酸酸辣辣，加入魚露和青檸調味，好開胃。招牌冬蔭功，必食！材料十足，有菇菌、海鮮同大大隻鮮蝦，飲落好有椰香，酸酸辣辣開胃又醒神，我覺得最正。加埋蒜蓉包，簡直絕配。泰式辣汁蔥油碳燒豬扒配白飯，超級無敵大大件，今次仲有兩件㖭！煎到勁香濃，肉質嫩滑，蔥油嘅香味滲透豬扒，每一啖都好好味。泰式炒金邊粉，向來都係我嘅至愛，味道偏甜甜酸酸，好有鑊氣，好醒胃！

上星期同朋友去咗大圍發現咗一間隱世泰國餐廳「泰中意」，真係名副其實——太中意！雖然唔係泰國人開，但係味道真係完全唔輸正宗泰菜，仲要性價比高到爆，實在值得推介！ 我哋叫咗幾個招牌菜，款款都好滿意。菠蘿炒飯真係驚喜，飯粒乾爽又香噴噴，菠蘿嘅酸甜味道啱啱好，仲有蝦仁、腰果等配料，口感豐富到不得了，重點係份量超大，三四個人分嚟食都啱啱好，真係抵食！🔥 泰式炒金邊粉都係必試之選，鑊氣十足，粉條煙韌唔黐口，香料味道好濃郁，辣得啱啱好，食到最後都好想再叫多碟！沙嗲串燒都唔錯，雞肉同牛肉燒得啱啱好，肉質嫩滑，沙嗲醬香濃但唔會太膩，每一串都juicy得嚟好入味。 最特別嘅係泰式生蝦刺身，蝦肉鮮甜爽口，配埋酸辣醬汁好開胃，佢哋仲將蝦頭炸過，變得香脆，可以連蝦頭一齊食埋，真係幾特別又好味！最後一定要試芒果糯米飯，糯米煙韌又香甜，椰漿夠濃郁，配埋鮮甜多汁嘅芒果，飯後甜品滿分！ 呢間餐廳雖然細細間，但環境舒服，服務態度又好，價錢平靚正，真心推介比鍾意泰菜嘅朋友！💯

經常性爆滿泰式餐廳，藏在村屋地下喵幫你們嘗了自己常點點的，雞有雞味，魚有魚味 嘻嘻沒有喇～超喜歡那個鹽焗魚雖然那天賣完沒有烏頭了，只能吃到䱽魚但魚肉超嫩！好滑！如果可以去之前記得訂位哦～泰中意📍大圍田心村254號地舖營業時間 星期二至日 12:00- 15:00/ 18:00 - 22:00（星期一休息）#大圍 #大圍美食 #泰國菜 #香港美食 #泰式 #抵食 #聚餐 #餐廳 #香港 #hkfoodie #hkfood #泰中意 #打卡

可能我之前去咗泰國成大半個月， 攪到自己超掛住泰菜，返到香港都好想再食泰菜。今次再嚟到大圍田心呢間delicious food ,因為上次食完覺得好好吃，所以我同朋友嚟多次， 正宗泰菜，唔貴又好味！今次我哋主要食下雞同飲湯，叫左個泰式冬陰功湯，同普通咖喱雞配薄餅（朋友唔食得辣，所以嗌個普通唔辣）再炒多個菜，唔單止飽飽，食完又再令我們回味返我係泰國嗰大半個月嘅日子，再配埋一杯啤酒，好味到唔知以為自己又返番泰國添。😂😂-炒菜-冬陰功湯-咖喱雞配薄餅-生啤買二送一我哋兩個人份量適中，全部都食晒。

先遇見那盤**鮮柚子蝦球沙律**。粉紅柚子肉晶瑩飽滿，堆疊如碎寶石，大蝦彈嫩裹著薄脆外衣，薄荷葉與烤椰絲點綴其間。一匙舀下，酸冽汁水迸發，混著花生碎的焦香與蝦的鮮甜，舌尖彷彿躍入清邁雨後微涼的晨光裡。 主角**泰式海南雞配香茅油飯**悄然登場。雞皮泛著琥珀光，刀起肉落間溢出豐潤雞汁；香茅油飯粒粒分明，淡金米粒沁透檸檬草的幽香。雞肉蘸上濃郁斑斕的泰式醬汁，辛香溫柔纏繞舌尖，油飯的草本氣息適時托住濃郁，竟教人捨不得停箸。 **烤薄餅**焦脆輕薄如紙，掰開時簌簌作響。趁熱抹上附贈的咖哩醬，辛香料在酥脆麵香裡綻放，是意外驚喜的味蕾煙花。收尾的**牛油果蛋雜果律**如熱帶花園繽紛——綿密酪梨托起流心蛋黃，芒果與火龍果丁點綴如珊瑚礁，淋上青檸汁，果香交織成清風拂過味蕾。

今次去到大圍呢間以綠色為主調嘅泰式餐廳「泰中意」🇹🇭，真係一入去就俾佢哋嘅裝修吸引住！成間舖頭充滿泰國風情，仲有啲小清新嘅感覺🌟泰式海南雞飯配香茅油飯 雞肉超滑溜😍，皮爽肉嫩，仲有陣陣香茅味嘅油飯，真係食到停唔到口！ 🌟蔥油碳燒豬扒配白飯 豬扒燒得啱啱好🔥，外脆內嫩，份量勁大塊，而且仲係兩件上。加上蔥油嘅香氣，送飯一流！ 🌟香蒜辣椒欖油鮮蝦蘆筍意粉 呢個Fusion意粉好有驚喜！鮮蝦彈牙🦐，蒜香同辣椒嘅微辣平衡得好好，意粉仲好掛汁～ 🌟甜品時間：芒果紫糯米 芒果香甜🥭，紫糯米軟糯，完美嘅飯後甜品！ 飲品方面，凍檸檬可樂🍋🥤同熱檸茶🍵都係穩陣之選，解膩又清爽～ 總括嚟講，呢間餐廳真係CP值極高💯，價錢合理之餘，食物質素仲好出色！如果喺大圍想食泰式Fusion菜，呢度絕對係首選👍！

今日去咗大圍搵朋友食飯，行過田心村嗰邊，發現依家有好多好嘢食！見到一間風格獨特嘅餐廳，聞到陣陣香味，仲好多客喺度吃緊飯，行經過真係忍唔住入去試試，果然有驚喜，令我哋重現喺泰國食過嘅滋味👅舔舔脷，真係好開心喔！✨泰式沙嗲串燒：叫咗6串沙嗲串燒，雞肉同牛肉各一半，燒得啱啱好唔會乾，有肉汁點沙嗲醬簡直一流！🌱馬拉盞炒通菜：通菜炒得好惹味，馬拉盞夠晒香但唔會辣得過火，炒通菜一大碟，蝦米香氣撲鼻，微辣嘅我食得啱啱好。🍚泰式海南雞飯配香茅油飯：成碟飯充滿香茅味，配上嫩滑雞肉，每啖都啖啖肉，仲有三款醬汁，完美！適合同朋友分享。🥗柚子大蝦沙律：柚子清爽多汁，大蝦彈牙，底下嘅生菜配埋微酸醬料，超開胃！仲飲杯特飲珍多汁清涼消暑。

田心村近排好Hit，突然被遊客網紅棒成「小京都」，係咪似京都就見仁見智，不過裏面反而有好多滄海遺珠的美食，其中一個就係由馬鞍山搬左黎田心村的泰中意，專程黎試呢度的蔥油碳燒豬扒飯同埋Fusion菜。碳燒豬扒果然係呢度的皇牌，基本上每一枱第一樣點就係豬扒飯。一上枱果然驚豔，豬扒仲大塊過面，仲要有兩大塊。最重要係佢做到鎖到肉汁，肉保持到Juicy。肉質唔鞋，兩邊前得香口。而餣肉方法近似傳統鐵皮檔豬扒麵的做法，我覺得應該有加到魚露同薑汁，令豬扒有味道層次提升，整體做得唔錯，點埋蔥油更加好「送」飯。另一道係Menu觸動到我就係Fusion風的冬蔭公鮮蝦忌廉意粉。首先意粉一上枱有驚喜，估唔到有擺盤。鮮蝦有微微煎香，證明夠細心。冬蔭公味好濃，但唔會好辣，酸酸地加埋香茅味係好特別，加左忌廉，將每條意粉都掛晒汁，配埋洋蔥一齊炒增加一種甜味。鮮柚子蝦球沙律份量好大，柚子肉唔少，而且夠Juicy夠甜。鮮蝦份量都多。泰式醬汁酸辣幾清新，辣味有後勁。整體黎講，呢度Signature的菜式對我印象都幾深刻，尤其冬蔭公鮮蝦忌廉意粉，呢道菜係其他泰式餐廳真係比較難搵到的Fusion菜式。而碳燒豬扒份量夠多，肉質Kee

泰中意 (大圍)地址：大圍田心村254號地舖推介：1. 大頭蝦冬陰功湯（詳細評）湯底：酸辣平衡得幾好，香茅、南薑、檸檬葉嘅香氣突出，椰奶夠濃，飲落順喉，唔會太嗆喉。 - 大頭蝦：蝦肉新鮮，肉質爽彈，蝦頭有膏，吸晒湯汁好入味。 - 配料：有草菇、番茄、洋蔥等，增加口感，唔會得個湯咁寡。2. 蔥油泰式豬扒飯 優點：- 豬扒：煎得香口，外層微脆，肉質鬆化唔韌，醃得入味，帶少少甜辣泰式風味。 - 蔥油：蔥花爆得香，油份充足，撈飯好正，但略嫌多油咗少少。 - 飯底：用咗泰國香米，粒粒分明，唔會太濕或太硬。

二刷 \ 大圍泰中意 / @thailikekitchen 呢間喺大圍既泰中意包含泰、中、意既泰國fusion菜🇹🇭🍝冬陰功鮮蝦忌廉意粉 ( 二刷必點！)已經第二次食 包大家有驚喜！好creamy好香濃 但又有冬陰功味道 好得意既味覺享受😋🍲冬陰功湯冬陰功湯既湯底酸辣適中，香料既運用恰到好處。蝦肉鮮嫩，同香茅、檸檬葉的搭配，令整碗湯充滿層次感😋🥦馬拉盞炒芥蘭炒既火候掌握得宜，保持到芥蘭既脆口感。馬拉盞既微微香辣，好惹味😋🍢泰式串燒每一串都烤得恰到好處，香氣四溢，口感滿分😋

泰中意，大圍田心村的清新綠意，位置就在巴士站旁，交通便利。店內掛著別緻的大象畫作，文青氣息濃厚，讓人用餐心情也跟著愉悅起來。巴馬火腿牛油果雜菜沙律$83，巴馬火腿牛油果雜菜沙律色彩繽紛，食材新鮮度看得見，搭配熱朱古力咖啡，開啟悠閒一餐。蔥油炭燒豬扒飯$95，豬扒份量驚人，大過我的臉，仲要打孖上，烤得焦香四溢，搭配店家特製的蔥油和泰式辣汁，香辣夠味，配上凍檸茶，解膩又清爽。單骨雞翼$85，炸得金黃酥脆，香氣撲鼻。素菜春卷外皮酥脆，內餡清爽，泰式炸魚餅則香辣開胃。最後再來一份芒果紫糯米$68，芒果香甜多汁，紫糯米軟糯Q彈，淋上椰奶，甜而不膩，齒頰留香。總體而言，泰中意出品用心，價格合理，份量實在。無論是想品嚐道地泰式風味，還是想找個舒適的環境放鬆一下，這裡都是不錯的選擇。