一去到個燈光非常之靚，樓底好高，枱面仲可以有人喺度唱Band，地方好大坐得好闊落，而且唔會成浸飲食嘅臭味，啱晒又想食重口味又想坐得舒服嘅朋友！
而家仲做緊飲嘢，2+1hour優惠，一個人都係二百幾蚊，加埋現場嘅燈光非常之昏暗。個vibe非常之好，如果大班朋友仲可以嚟飲嘢唱歌！
咕嚕肉嘅外皮非常之脆入邊軟腍腍，未試過咁出色嘅咕嚕肉，一樣普通嘅芽菜煮得好食真係唔容易！脆脆哋真係忍唔住係咁食！
另一個要推介既一家係椒鹽九肚魚，我哋揸得酥脆而入邊仲好juicy,食落一啲都唔熱氣外脆內軟，份量非常之大碟，性價比好高！
仲嗌咗一杯Blue Ocean啱晒俾人打卡，芒果沙冰都唔會好甜啱啱好用嚟解膩！呢度嘅嘢食除咗烤魚，酸菜魚仲有小菜真係啱晒唔同口味嘅朋友
