影片
更多
2020-04-14
48 瀏覽
好耐都無食過burger啦，估吾到荃灣會開左間質素唔錯嘅burger店。舖頭位置係南豐紗廠，整體用左經典美國快餐店嘅裝修風格，相當有格調。Classic burger要試一間舖頭嘅功力，當然要叫classic burger啦。用料望落去雖然簡單，但係每一樣都非常到位。牛肉煎到略見到粉紅，食落juicy帶一陣濃郁嘅牛味。飽嘅兩面都煎到香脆，加上生菜同青瓜嘅清爽，口感好豐富！Cheese burger雖然cheese burger同classic只有一塊芝士嘅區別，但係當配搭埋佢地自家調配嘅醬汁，成個包嘅層次又再提升一層。生洋蔥又帶點辣勁，食到停吾到口。跟餐可以加錢叫小食，吾好睇啲薯條咁幼身，食落表皮酥脆內裏鬆軟，比起周街都見到嘅大品牌出品更勝一籌。另外一樣係美國街頭小食芝士條，裏面用左mozzarella cheese做餡料，輕易就可以做到拉絲。再加埋杯嘉士伯，只有一個字可以形容，無得輸！
舖頭位置係南豐紗廠，整體用左經典美國快餐店嘅裝修風格，相當有格調。
Classic burger
要試一間舖頭嘅功力，當然要叫classic burger啦。用料望落去雖然簡單，但係每一樣都非常到位。
牛肉煎到略見到粉紅，食落juicy帶一陣濃郁嘅牛味。飽嘅兩面都煎到香脆，加上生菜同青瓜嘅清爽，口感好豐富！
Cheese burger
雖然cheese burger同classic只有一塊芝士嘅區別，但係當配搭埋佢地自家調配嘅醬汁，成個包嘅層次又再提升一層。生洋蔥又帶點辣勁，食到停吾到口。
跟餐可以加錢叫小食，吾好睇啲薯條咁幼身，食落表皮酥脆內裏鬆軟，比起周街都見到嘅大品牌出品更勝一籌。
另外一樣係美國街頭小食芝士條，裏面用左mozzarella cheese做餡料，輕易就可以做到拉絲。
再加埋杯嘉士伯，只有一個字可以形容，無得輸！
張貼
