影片
更多
2009-07-30
6 瀏覽
一直以來都有聽過一門的大名，有幾次週末臨時想去都爆晒。是日（星期五）晚上同媽媽去銅鑼灣食飯，佢叫我諗去邊度食，打去一門試一試竟然有位﹗佢話食個半鍾就要交枱，都照殺。去到發現原來環境不錯的。木枱凳有點點殘破的感覺，但唔代表唔好，反而更有居酒屋的味道。加上燈光黑黑的，服務員又全部穿上日本服飾又時常大叫口號，氣氛係幾好的。但係，一入到來就聞到好大陣的油煙味（應該係因為串燒），食完之後梗係成身都一陣味了，係敗筆之處。好，講返食物先。一開始叫了香炸芝士同最出名的厚玉子，同埋係個特別推介餐牌度揀左個牛肉蒜頭串同香草大蝦鐵皿燒。服務員仲推介左個東洋卷，好，就叫住咁多先。香炸芝士首先來到，一共四舊。芝士外層不算非常脆口，但我卻覺得啱啱好，少少脆唔會太乾。芝士味道不算特別香，但勝在很煙韌，比很多西餐廳都做得更好，如果有得送酒應該會好好，哈哈。傳統厚玉子都等左一陣先有，咁又係，即叫即整仲要咁多層，等下都唔緊要啦。平時去日本餐廳好食會叫玉子食，所以唔係太識比較，但係依度的的確好食﹗玉子好厚，入面仲有好多蛋汁，有蛋香味也有甜味。碟的旁邊有蘿蔔蓉，加少少天婦羅汁後用來同蛋一齊食好清甜，更好食﹗香港真係好少非專門
去到發現原來環境不錯的。木枱凳有點點殘破的感覺，但唔代表唔好，反而更有居酒屋的味道。加上燈光黑黑的，服務員又全部穿上日本服飾又時常大叫口號，氣氛係幾好的。但係，一入到來就聞到好大陣的油煙味（應該係因為串燒），食完之後梗係成身都一陣味了，係敗筆之處。
好，講返食物先。一開始叫了香炸芝士同最出名的厚玉子，同埋係個特別推介餐牌度揀左個牛肉蒜頭串同香草大蝦鐵皿燒。服務員仲推介左個東洋卷，好，就叫住咁多先。
香炸芝士首先來到，一共四舊。芝士外層不算非常脆口，但我卻覺得啱啱好，少少脆唔會太乾。芝士味道不算特別香，但勝在很煙韌，比很多西餐廳都做得更好，如果有得送酒應該會好好，哈哈。傳統厚玉子都等左一陣先有，咁又係，即叫即整仲要咁多層，等下都唔緊要啦。平時去日本餐廳好食會叫玉子食，所以唔係太識比較，但係依度的的確好食﹗玉子好厚，入面仲有好多蛋汁，有蛋香味也有甜味。碟的旁邊有蘿蔔蓉，加少少天婦羅汁後用來同蛋一齊食好清甜，更好食﹗香港真係好少非專門店（例如拉麵、天婦羅等）可以做到有一個街知巷聞的招牌菜，証明依度同一般的日本餐廳有所不同﹗
牛肉蒜頭串不錯的，牛肉脂肪不算太多所以有點兒韌，但幾十蚊算係咁了。味道方面是幾好的，兩樣我最喜愛的東西一齊燒，也燒得香口。東洋卷基本上係一個班戟皮包住鰻魚、牛油果、蟹子等等的材料。全部都係我鍾意的食材，但因為配搭上的問題，整個卷都係林batbat的...味道即使不錯但口感太奇怪了，如果有啲脆啲或硬啲既野會好啲。但值得一讚的係個皮，好香的蛋味。香草大蝦鐵皿燒較失色，蝦肉有少少梅，感覺上不太新鮮。香草味未算特別，亦都唔係太日式，有點兒格格不入。
食完覺得唔夠，再追加多了三樣野︰生薑豚肉石頭燒、雞肉串同燒南瓜。
雞肉串外表好靚，但食落很普通，雞肉乾左少少，味道不過不失。生薑豚肉石頭燒印象中好似只係五十幾六十蚊，比起其他的食品好抵食。味道不太重，淡淡的帶點焦香味幾好食的，但豬肉就乾了少少。最後的燒南瓜一直都冇來，應該係漏了單，叫佢跟下再等一等本來都冇所謂，但係每一個服務員一經過我地個位都問我地啲野到齊未...我起碼講左「仲有個燒南瓜...」四次，真係有啲燥-_-（除此之外服務其實係非常之好的）。過了十多分鍾，個燒南瓜終於來了...南瓜唔夠粉，同埋因為個汁的關係太咸了，係全餐最失敗之作，真係等得唔抵﹗
整體來說，依間係一間幾有水準的居酒屋，總比去和民好嘛﹗下次要再來，要真係飲酒先得，哈哈﹗
張貼
