糖朝 (已搬遷) 新店位置

三點幾至飲完tea，九點幾見仲飽飽地所以都唔知去邊度食晚飯好，日本妹立即拿住本旅遊書話要去食甜品，見佢指住的就是好多人見倒都叫唔好的~糖朝。平日十點幾都有幾多人，仲係好多都係遊客tim！問佢想食咩，佢諗都唔諗就話食豆腐花，皆因在日本豆腐是希罕野，郁D過千Yen一碗，所以就應她所求，叫左一桶山水豆腐花。原來佢唔係咁鍾詫加糖水食，話咁先至食倒豆腐的真味，我就覺得味道不算特別好，但有得玩下畢豆腐幾過癮，佢就好開心。話時話，呢度D服務態度都唔算差，可能見我地講架文卦，個阿嬸仲幫我地影埋相tim。早D講想食豆腐花，就帶佢去公和老舖啦，幾蚊一碗咋！