黑門水產すいさん (棉登徑)

因為疫情完全冇機會去日本，好懷念日本嘅食物，見到呢間餐廳標榜黑門市場水平，見到確診數字下降後立即同老公去食。呢間餐廳喺條街算係最旺嘅舖頭，如果唔係有疫情，都唔會咁容易搵到位。裝修好有日本居酒屋風格。第一道菜黑門帆立貝配魚子醬海膽，海膽鮮甜肉厚，魚子醬亦唔會搶咗海膽嘅味道，帆立貝燒得剛剛好保留到新鮮度又唔會太熟。大漁魚子醬脆脆包在包上鋪滿食材，其實用一個大一倍份量嘅包都可能裝唔晒，有少少fusion西日合璧。好少喺香港食原條魚嘅刺身，今次叫伊佐木魚刺身，師傅刀工好好，每一片切得好薄好平均，魚肉新鮮。赤鬼蟹味噌甲羅燒，有專人喺你面前燒，蟹膏蟹子更鵪鶉蛋，味道濃厚，唔加餅乾食會太鹹，加餅乾後味道剛剛好。龍蝦湯煮海鮮亦是在面前即煮，用鮮甜嘅龍蝦湯煮海鮮特別鮮上加鮮。赤鬼海老天反卷有特色，中間有少少辣，炸蝦脆身，加上外面醬汁，甜脆辣鮮幾種味道混合。另外點了2杯飲品，愛琴海是芒果汁加Vodka，酒味唔算好濃，柚子特飲水準中上。