麵麵店 (已結業)

之前剛剛新開時食過，感覺好差，係佢個香菇素湯較為吸引，今日行過，又想食下，見無人，就入去食，比多次機會佢啦。河粉+香菇+雞翼尖+清湯魚蛋+香菇素湯油麵+豬腸+豬皮+魚片頭+香菇素湯+咖啡汁最後上檯時，發現是比左咖哩魚蛋而不是清湯魚旦，問個侍應，佢仲話係只有呢款，咁說好的清湯魚旦是什麼東東呢？！之後要求換過另一碗，因為呢碗是叫比我小朋友吃，所以不能要辣，隔了陣又過來說原來係有清湯魚蛋，是廚房攪錯，吓，咁都得，感覺佢地內部溝通有啲亂有啲唔清晰。豬腸好肥，太淋，唔夠厚身，無咬口咖哩汁偏辣兩碗既湯底都好油特別一提，每碗麵都會附送一碟辣菜甫，但感覺好浪費，因為不是每位客人都喜歡，就算我接受，但亦覺得辣得濟，每碗附送一碟，無食過/食唔到/食唔晒，我相信佢哋都會倒掉，真是非常浪費。不過有一點也值得讚，就是感覺到佢地是有心改善，因為食完後，他們經理會過來做份問券調查，知道佢地係想收集意見再去做好啲既。