熊拉麵 (蘇杭街)

營業中

休息中

今日上環開會，收工見到呢間熊拉麵，就入去醫肚。兩個人坐低，叫兩個拉麵，一碗係招牌熊拉麵，一個係限定版：特濃芝士蕃茄拉麵，加番糖心蛋，爽口木耳。特濃芝士蕃茄拉麵，特濃芝士味非常之正，仲有我最鍾意嘅番茄湯底，少少酸少少甜好惹味，拉麵一樣煙煙韌韌，蕃茄粒好fresh，叉燒好有咬口，又唔韌，湯入口蕃茄加濃濃嘅芝士，味道好豐富招牌熊拉麵，豬骨湯底好清甜，拉麵煙煙韌韌好有咬口，角切叉燒粒有少少入口即溶嘅感覺，糖心蛋就快溶嘅蛋黃真係好好食，木耳好爽口，揀了1.5mm粗拉麵，唔粗唔幼，入口啱啱好。食飽飽啲搭巴士返屋企瞓覺。