影片
更多
2017-02-27
576 瀏覽
牧羊少年咖啡館 - 名聽得多，第一次來。適合年輕人，坐下喝喝茶、食少少嘢。呢間係一間有意思嘅咖啡館。一入門口左面牆係一幅世界地圖；再入啲，牆上係名信片，再入去牆上同天花有即影即有相，係世界各地相片；右面牆有一幅日本咖啡館嘅大相，天花掛住模型飛機，海螺；成間鋪都係關於旅遊，傳遞人應該遊玩世界嘅訊息。但四處遊歷外，不要忘記某樣嘢。呢樣嘢寫咗喺牆度（地圖隔離）。文字好有意思，同成間鋪嘅裝修好貼。意思可以自己goole下：《「我只能提供你一個建議」這個最有智慧的人說：「幸福的秘密就是去欣賞世界上所有的奇特景觀, 但不要忘了湯匙裡的油」》講返嘢食先。菠蘿茶 - 好fresh好味。蘋果茶 - 都係好fresh好味。坐低飲杯xx茶hea半日已經好relax。串燒 - 魚、牛 - 一般。芝士西蘭花 - 完全唔掂。人哋係芝士焗西蘭花，佢係西蘭花用水淥熟後加芝士上面，西蘭花還西蘭花，芝士還芝士，味道撈唔埋。紅酒牛腩飯 - ok嘅。「XX法國」- 朱古力香蕉窩夫 - 2球朱古力雪糕 + 香蕉片 + 朱古力醬 + 窩夫。抵食，好大份，雪糕班2料，窩夫4片。窩夫都幾好食。咁多嘢食來講，呢個最好味。提議來呢度飲品
呢間係一間有意思嘅咖啡館。一入門口左面牆係一幅世界地圖；再入啲，牆上係名信片，再入去牆上同天花有即影即有相，係世界各地相片；右面牆有一幅日本咖啡館嘅大相，天花掛住模型飛機，海螺；成間鋪都係關於旅遊，傳遞人應該遊玩世界嘅訊息。但四處遊歷外，不要忘記某樣嘢。呢樣嘢寫咗喺牆度（地圖隔離）。文字好有意思，同成間鋪嘅裝修好貼。意思可以自己goole下：
《「我只能提供你一個建議」
這個最有智慧的人說：
「幸福的秘密就是去欣賞世界上所有的奇特景觀,
但不要忘了湯匙裡的油」》
講返嘢食先。
菠蘿茶 - 好fresh好味。
蘋果茶 - 都係好fresh好味。坐低飲杯xx茶hea半日已經好relax。
串燒 - 魚、牛 - 一般。
芝士西蘭花 - 完全唔掂。人哋係芝士焗西蘭花，佢係西蘭花用水淥熟後加芝士上面，西蘭花還西蘭花，芝士還芝士，味道撈唔埋。
紅酒牛腩飯 - ok嘅。
「XX法國」- 朱古力香蕉窩夫 - 2球朱古力雪糕 + 香蕉片 + 朱古力醬 + 窩夫。抵食，好大份，雪糕班2料，窩夫4片。窩夫都幾好食。咁多嘢食來講，呢個最好味。
提議來呢度飲品+甜品，再坐低hea，係最好選擇。主菜就將就下啦，唔好有要求。半自助形式，餐具自取。
張貼
