影片
更多
2017-12-20
98 瀏覽
原來北角書局街行入少少有一條佈滿餐廳既巷。今日專登黎呢度慶祝交埋份功課。本來想坐SOUL 9+啲戶外位，但真係太凍要坐返室內。入到餐廳聽到Ed Sheeran既Photograph做背景音樂個時，我就覺得無擇錯地方，餐廳細細但啲佈置拎人好開心，好有情調。今次食左四道菜，上菜時間超快。Waiter話個餐牌上個星期先更新。最先上既係加+38既餐湯沙津。本來係唸住普通飲啖湯暖下身食少少菜開胃，無乜期望，點知個餐湯同沙津一啲都唔HEA，沙津既伴碟放得好靚，餐湯係香甜既忌廉南瓜湯而且唔會漏或者太濃。脆炸薯條-自家蜜糖芥末醬，個薯條超大碟，而且加左小小香草，炸得又脆，只需四十幾蚊，非常抵食。煎北美銀花爐魚烤雜雜菜-忌廉薯蓉，第一次食呢種魚，唔太多油脂，好香魚味，肉質比較鬆化，主菜食呢樣幾健康。松葉蟹爪-明太子-白酒忌廉意粉，呢一個必食，好好味，再講多次係好好味，明太子白酒忌廉做既汁好配合，好調和，個意粉又煮都岩岩好，呢度菜質素好高。白松露-海膽-新鮮鮑魚-白酒忌廉意大利飯，意大利飯可以分三個方法食，配白松露汁/海膽/新鮮鮑魚去食，咁既食法好新鮮。最後飲品叫左個熱既Apple Honey，今餐好滿足
今次食左四道菜，上菜時間超快。Waiter話個餐牌上個星期先更新。
最先上既係加+38既餐湯沙津。本來係唸住普通飲啖湯暖下身食少少菜開胃，無乜期望，點知個餐湯同沙津一啲都唔HEA，沙津既伴碟放得好靚，餐湯係香甜既忌廉南瓜湯而且唔會漏或者太濃。
脆炸薯條-自家蜜糖芥末醬，個薯條超大碟，而且加左小小香草，炸得又脆，只需四十幾蚊，非常抵食。
煎北美銀花爐魚烤雜雜菜-忌廉薯蓉，第一次食呢種魚，唔太多油脂，好香魚味，肉質比較鬆化，主菜食呢樣幾健康。
松葉蟹爪-明太子-白酒忌廉意粉，呢一個必食，好好味，再講多次係好好味，明太子白酒忌廉做既汁好配合，好調和，個意粉又煮都岩岩好，呢度菜質素好高。
白松露-海膽-新鮮鮑魚-白酒忌廉意大利飯，意大利飯可以分三個方法食，配白松露汁/海膽/新鮮鮑魚去食，咁既食法好新鮮。
最後飲品叫左個熱既Apple Honey，今餐好滿足呀。
張貼
