影片
更多
2023-07-20
40 瀏覽
銅鑼灣登龍街西式餐廳Memoir香煎加州鱸魚柳配日本帆立貝配意式香草忌廉汁鱸魚新鮮魚香，食落有咬口，魚身幾厚，個皮煎得香脆，皮可以同肉完整分開，兩重口感。怕食骨都可以食，完全冇骨。帆立貝煙靭新鮮。伴碟選料新鮮，有西蘭花同埋薯蓉，仲有忌廉汁吊味，唔會搶咗主菜嘅味道。鮮蝦明太子忌廉扁意粉鮮蝦彈牙，仲有好多隻，又明太子同忌廉一齊整嘅醬汁，食落有少少辣味吊起，扁意粉整得軟硬啱啱好。本來都有啲怕食明太子意粉，因為通常會幾腥有啲奇怪，同埋配落意粉唔似西式，個人覺得比普遍出面嘅明太子意粉水準高啲。香煎鵝肝配蘋果蓉鵝肝好大舊，厚度啱啱好煮得琳琳地，入口溶化，好香鵝肝味，每一口配上少少蘋果蓉，加上旁邊嘅無花果肉，口感豐富，配合唔錯。蜜桃薄荷特飲有香嘅蜜桃味，有少少梳打汽水炸喺個口度嘅感覺。清新。紅莓汁紅莓不嬲都係比較健康嘅水果，喺餐牌上面見到有得飲，我即刻嗌咗，佢嘅佢係有調嘅，就唔係好似果汁嗰種口感。跟餐有餐湯或者雜菜沙律選擇，今次餐湯係甘筍湯，出面好少煮甘筍湯，甘筍有好豐富嘅維他命A，個人覺得幾有心思。知道食物安排上面有注重健康，而且餐廳仲安排咗將手機擺喺鳥籠嘅就有九折優惠，符合返餐廳嘅主題「活在當下
香煎加州鱸魚柳配日本帆立貝配意式香草忌廉汁
鱸魚新鮮魚香，食落有咬口，魚身幾厚，個皮煎得香脆，皮可以同肉完整分開，兩重口感。怕食骨都可以食，完全冇骨。帆立貝煙靭新鮮。伴碟選料新鮮，有西蘭花同埋薯蓉，仲有忌廉汁吊味，唔會搶咗主菜嘅味道。
鮮蝦明太子忌廉扁意粉
鮮蝦彈牙，仲有好多隻，又明太子同忌廉一齊整嘅醬汁，食落有少少辣味吊起，扁意粉整得軟硬啱啱好。本來都有啲怕食明太子意粉，因為通常會幾腥有啲奇怪，同埋配落意粉唔似西式，個人覺得比普遍出面嘅明太子意粉水準高啲。
香煎鵝肝配蘋果蓉
鵝肝好大舊，厚度啱啱好煮得琳琳地，入口溶化，好香鵝肝味，每一口配上少少蘋果蓉，加上旁邊嘅無花果肉，口感豐富，配合唔錯。
蜜桃薄荷特飲
有香嘅蜜桃味，有少少梳打汽水炸喺個口度嘅感覺。清新。
紅莓汁
紅莓不嬲都係比較健康嘅水果，喺餐牌上面見到有得飲，我即刻嗌咗，佢嘅佢係有調嘅，就唔係好似果汁嗰種口感。
跟餐有餐湯或者雜菜沙律選擇，今次餐湯係甘筍湯，出面好少煮甘筍湯，甘筍有好豐富嘅維他命A，個人覺得幾有心思。
知道食物安排上面有注重健康，而且餐廳仲安排咗將手機擺喺鳥籠嘅就有九折優惠，符合返餐廳嘅主題「活在當下，珍惜眼前人」餐廳中間有一首詩人嘅名句，”Don't let your mind wander
To what's coming next.
Cherish this moment”我諗都係想我哋去記得現在，就好似Memoir咁。
張貼
