夫妻沸片-台式麻辣火鍋 (已結業)

最近天氣轉涼最啱打邊爐，同咗友人去食想試好耐嘅夫妻沸片。我哋先點咗個麻辣配人蔘藥膳嘅鴛鴦鍋。麻辣鍋湯底好足料，辣味有層次好惹味，入面嘅豆腐同鴨血煮得好入味。而人蔘藥膳好重藥材味，雞肉好嫩滑好好食。萵苣片顏色翠綠，新鮮爽口。蘿蔔味道鮮甜，吸咗湯底更滋味。西洋菜菜味清香，口感脆嫩清甜。麻辣嫩鴨血口感嫩滑、多汁。海蝦好新鮮，蝦肉爽口彈牙。菜肉蝦雲吞皮薄又滑，餡料豐富好鮮味。美國肥牛肉卷擺盤好靚，油脂均勻牛肉味濃，同湯底好夾。