文記車仔麵 (福榮街)

營業中

休息中

身為深水埗街坊，文記簡直係由細食到大。由佢一間舖，變兩間舖，依家有三間舖，我都一直係佢嘅食客。但而家長期排長龍我都少食咗，平日晏晝唔使返工行過樓下，見到冇乜人，終於可以食返佢。食車仔麵食食一定食油麵，因為得車仔麵先會有得揀油麵，所以變到好似車仔麵嘅特色咁。餸方面揀左豬大腸、蘿蔔、牛腩。呢幾款滷制/炆制食物，入味腍身又保持左原材料嘅味道，正呀。叫左中辣，辣味溫和唔熗喉。雖然文記並唔平但分量都對得住價錢。大大碗見到都流口水。