小春日和 (已結業)

經過幾次，基本上唔係呢區住唔會發現呢間野，猶豫過幾次，今次試下入去食，餐牌有十款八款定食，全部時光倒流價，大部份都40蚊有交易。每款定食有沙律，主菜，飲品。絕對對得住個價有突。從餐具擺盤已經睇得出有落足心機。前菜有日式沙律+ 漬蘿蔔，漬蘿蔔為點睛，唔係間間都有。今次試左豚肉生薑燒，咖哩牛肉，同吉列豬扒。吉列豬扒非常有驚喜，其他野味道都係家庭式但係都屬中上水準，絕不失禮。佢地店唔大，但有做外賣自取。香港唔可以俾美心獨大，呢類型小店須要大家支持。