小春日和 (已結業)

位於新蒲崗💛小春日和💛支持小店由於店舖比較細，等待需時，等候既時候店員提早幫我地落單。入到去好快食得❤️如果趕時間，可外賣自取🌸店舖雖小，但座得幾舒服👍🏻柚子漬炸雞定食 $48（已包沙律🥗及飲品）好抵食🥳炸雞雞肉嫩滑再配埋沙律醬💓加入檸檬汁更開胃。d飯都有柚子味🥰環境🌕🌕🌕🌕🌑食物🌕🌕🌕🌕🌗呢間回頭率極高💓有興趣快d去試試喇！

抵食又好味，份量適中又好味！星期日來，叫了兩個套餐和小食芝士年糕。頭盤沙律菜新鮮，叫了吉列豬扒飯和泡菜豚肉飯都好正！吉列豬扒鮮味又有肉汁，泡菜豚肉又多汗又唔乾，芝士年糕外脆內容，再配餐飲菊花茶，夏天最愛！單睇全店佈置及裝修，好有台灣feel，可見店主花了不少心思。如果想去可能要預咗要等，因為全店只有10個位。因為店舖細，樓面同廚房打通，所以會有油煙味。

🍽泡菜豬肉定食 $55（附餐飲及沙律，免收加一服務費）👍🏻滿滿的泡菜、豬肉片搭配上爽脆的椰菜以白芝麻作點綴毫不吝嗇地蓋在飯面，好足料、熱辣辣又炒得超惹味(˶‾᷄ ⁻̫ ‾᷅˵)👍🏻泡菜口味微酸帶少少辣，豬肉片肥瘦適中～食到最後一啖都仲有餸好感動🥳👍🏻最驚喜是隨餐附上的沙律菜都非常新鮮爽脆，由此細節都可見出經營者的用心。小店由二人經營，約十二個座位，鋪頭細細但坐得好舒服🥳～整體推薦，簡單但同屋企人食得好滿意🥰菜式雖然普通常見但價錢極親民之餘又坐得舒適、又可食出是有用心製作，係住附近會作為飯堂日日光顧嘅質素～（6.5/10）📍小春日和 - 新蒲崗康強街32-34號康強洋樓地下4A號舖

平時真係好少入新蒲崗，今次入嚟真係要搵吓黃店😂呢間鋪都比較細，所以等位都比較耐，大家要耐心等候😢不過員工都有提早幫我哋落咗單，基本上一坐低就有得食👍🏻🍛日式咖喱豬扒定食$45個豬扒炸得好酥脆，個炸衣有啲似天婦羅🍤咖哩汁係日式咖喱，正正常常，加咗杯凍嘅柚子茶，有啲甜🤭🍛日式咖喱漢堡扒定食$47漢堡扒應該係用機攪碎，啲肉碎好勻巡，食落唔似漢堡扒🤔不過味道都可以叫咗味噌湯，唔會話太咸太淡👌🏻-總體嚟講，價錢幾平嘢食好食仲包餐飲同沙律🥗，雖然凍飲要加$3同沙律唔夠多醬😂但都唔影響佢性價比高呢點☝🏻

🍱1️⃣今日限定:🐽豚肉生薑燒+🍊🍋 熱金桔青檸(HKD$48)🐽生薑豚肉份量十足👍🏼(比飯更多🙊），生薑豚肉上面灑上五味粉和芝麻，香氣四溢😌，醬汁調味香濃，加入了切碎的薑粒，可是豚肉有點硬，🧅洋蔥也有點過生，整體煮得不夠入味，建議可以煮久一點。🍊🍋熱金桔青檸果味香濃，甜甜蜜蜜💕，喝下去喉嚨很舒服。🍱2️⃣🐥柚子漬炸雞定食+🌼自家製熱菊花茶(HK$48)柚子味清香撲鼻，炸雞件嫩滑，加入🍋檸檬汁後味道更香濃，酸酸甜甜，入味又開胃，很下飯🍚🥢。🌼自家製菊花茶真材實料，味道不太甜，微微苦但可接受。🍱整體定食份量十足，附有芝麻醬🥗沙拉(🍅蕃茄仔，🥬生菜和🌽粟米粒)和黃瓜等配料，主菜味道也不錯，唯🍚白飯不夠熱和較硬，性價比高👍🏼。

咖哩似水一樣，唔係日式咖哩。飯少，漢堡扒味道廉價，唔會再幫襯。中午時間叫外賣，等咗25分鐘先有，得一個鐘時差食飯，等都等咗一半，仲要比d咁難食嘅野人食，黃店都支持唔落。咖哩似水一樣，鋪頭名好似好日本風，但唔係日式咖哩。飯少，漢堡扒味道廉價，唔會再幫襯。味道比起$12店賣嘅咖哩更加難食，茶餐廳質素都好過佢、漢堡扒都唔方係自家制、點解都可以咁難食？！飯嘅份量極少，連女仔都唔夠食！$48呢個價錢係平，但呢個價錢亦可以有更好選擇！

係新蒲崗廣場隔離 一間小店 堂食座位唔多所以好多次都外賣自取，都好多人外賣勁多外賣單最常食係南蠻漬雞扒定食+ 自家製熱菊花茶有個小沙律先上然後個茶真心推唔係好甜飲完好舒服😌雞扒大件又juicy 每次水準都keep到其實我最想讚係外賣，每次買親返去打開個賣相擺盤都好靚開頭我食開新蒲崗廣場入面嘅重光，兩間都係食日本定食，菜式都有相似。不過兩間各有千秋，重光貴啲但食材質素係高檔全用日本貨同埋外賣賣相精緻，小春日和就貼地街坊價$50唔使仲包野飲。分別試過兩間既豚肉生薑定食，都好食但的確沒有比較就沒有傷害，重光啲生薑整得細啲同豚肉大塊啲，所以貴啲也好合理。不過長遠黎講，依間係抵食夾大件

我真係好熱愛新蒲崗呢個地方，成條街無論行到邊都會見到黃店，商場仲有大大張黃店地圖mark哂新蒲崗x黃大仙x慈雲山location💛次次出新蒲崗都會食窩子，但依排轉左幫襯呢間🤟🏻大大份主食+沙律+飲品 冇加一又好食 盛惠$45🙌🏻👓日式咖喱豬扒定食 $45豬扒勁大塊大過我手掌，粉漿夠薄炸得夠香脆，配埋日式甜咖喱好夠味，日本珍珠米白飯一粒粒夠分明。評分：8/10👓香蔥豚肉卷定食 $47豚肉卷係外層豚肉包住內裏勁多椰菜餡料，看似得四舊好少但其實每舊都好大舊好飽。豚肉本身已經有調味所以沾埋沙律醬食係好夠味。評分：7/10👓泡菜豬肉定食 $53這個反而有點普通，豬肉偏肥因為好多肥邊位，除了泡菜外還有椰菜，味道唔太辣，整體好食嘅不過唔算非常特別。評分：6/10👓南蠻漬雞扒定食 $47雞扒份量都好多係燒雞質感而不是炸雞，味道帶點酸甜幾惹味並灑上了芝麻粒，仲配有他他醬。評分：7.5/10👓芝麻雞翼2隻 +$18稍為炸得過火咗少少，雖然依然係香脆好食嘅，重芝麻香，但乾身了點同顏色好深。評評分：6/10👓蟹肉忌廉薯餅2件 +$20炸得夠香脆唔會係淋哂或有雪藏味，餡料creamy但基本上同出面嘅蟹肉忌廉薯餅

新蒲崗隱藏一間價錢平又有水準嘅日式定食小店睇落似家庭式打理，人手唔多，但環境企理裝潢陳設似文青cafe，以木系、乾花為主食物基本以定食為主，款式唔多，價錢最平係$43飲品唔使加錢定食套餐份量充足，有沙律、飲品同主食前菜係野菜沙律，爽脆生菜、鮮茄同粟米粒配搭胡麻醬汁幾開胃配熱飲或湯，咖啡、自家製菊花茶唔錯咖啡味幾香濃，屬正常水平菊花茶有菊花清香，微微蜜糖香甜味，天然菊花茶香好解渴日式咖哩豬扒定食 $45 可睇得出大廚係對煮食有知識嘅人無論醬汁配搭定食物煮法，都係有sense之人炸豬扒皮脆肉嫩，份量充足，表皮脆卜卜，豬扒保持軟嫩，仍有juicy感雖然當日下晝得返一個飯，店主話要轉烏冬但錯有錯著，烏冬並非普通質素，爽滑煙韌湯底亦有日式醬油湯底感覺，加入些微紫菜碎，更香濃香蔥豚肉卷定食 $47 係私心推介豚肉卷內包裹住京蔥粒、椰菜，以慢煮方式炮製將肉汁鎖緊，肉香亦唔會散走，豚肉肥瘦均勻同時有軟腍香口嘅豚肉，亦有爽口京蔥、椰菜帶有蔬菜鮮甜味，增添層次感，減低油膩感絕對係中上水準之作！豚肉卷可配搭沙律醬或醬油，醬油略帶微鹹，而沙律醬就好開胃飯粒為珍珠米，尚算煙韌，僅舖有少量芝麻點綴，無咩特別咖哩汁

當行完獅子山既時候，就好自然去左新蒲崗一帶搵野食。係大路行過眼大小小都會錯過既一間小店。入到去就會俾佢舒適既環境吸引，柔和既燈光加上點綴既花擺設。營造出接近大自然風格既感覺，但一份LUNCH SET連沙律、餐飲都只係$45。以LE個價錢淨係食個環境都已經回晒本（可惜果陣都比較多客人，唔方便影餐廳環境相）個LUNCH SET賣相好吸引，塊豬扒炸完唔會太油膩，沾上日式咖哩送飯一流。吸引到我會想試埋其他套餐

本身滿心觀喜試呢個小店，買左6個便當，有6杯野飲，店員用一個膠袋裝哂所有野，真係不得落佩服店員執外賣既技術。可惜，袋野真係好重，完全不便於運送。再者，個炸雞先係重點，一打開個蓋，黑得如墨汁一樣，以為係調味料先導致有呢種顏色，一食，陣燶味立即湧到喉嚨。炸燶唔係問題，炸燶都可以照出單賣比客人？！呢個唐楊炸雞不如改名叫致癌炸雞，睇呢個顏色都真係好開胃。

係新蒲崗食晏，講真要搵間黃店食其實唔難，但好多都係茶餐廳，食黎食去都有啲厭🥱 但今次介紹呢間黃店就有日式便當食！😆嘩！呢個炸豬扒超大份，外皮炸到好鬆脆，但入面肉質一啲都唔鞋，水準係小店黎講絕對可以稱得上above average😍 而咖喱汁同飯都係正正常常，唯一挑剔既就係塊豬扒有小小薄身，不過$45仲包埋沙律野飲，去邊到搵？😌不得不說呢個漢堡扒都好有驚喜🤩 佢塊扒絕對唔係平時茶記食雜扒飯果塊又扁又薄既扒，係真係幾乎有1.5cm厚既扒，內裏仲好juicy🤪有洋蔥同小小菜mix左係入面，好好味，同個咖喱汁好夾！呢個飯都幾惹味，但就無話好大驚喜，佢個份量都幾足，啲泡菜多到遮哂成個飯，送飯一流🤤 而豚肉就屬於正正常常，唔會好鞋，但又唔係特別軟，合格以上！👍🏻總括而言，呢間日式小店既野食真係好有驚喜，份量好足，性價比又高，仲要係黃店！ 不過小店環境有啲細，加上人手有限，lunchtime去既話可能就要等比較耐，但絕對值得一試！

每到一個新地方工作，最緊要睇吓嗰度有啲咩嘢食🤣依家仲多咗個分顏色嘅任務～呢度係我阿妹推介俾我既～ 小春日和💛 佢話又抵又好食！真係一試愛上呀！主打日式定食，款式都算多，有咖哩、炸豬扒、牛肉壽喜燒等～定食已包沙律同飲品，全部無加味精ga！2星期內嚟咗2次，一次過介紹啦！第一次食既係👇🏻🐷🧅豚肉生薑燒定食唔好見佢有大量既洋蔥就以為d豬肉會偷工減料呀！係洋蔥底下就係滿滿既豬腩片!! 肥肉較多、比例係6:4，幾甘香，無豬肉「蘇」味ga～ 食食下會食到薑片，唔係坊間某d店只落現成生薑汁~第二次食既係👇🏻🐷🌶泡菜豬肉定食呢日落雨有些少涼，想食返d辣野，所以order呢個~ 其實同上面生薑燒如出一徹，面頭的洋蔥換成泡菜而已。今次既豬肉肥瘦比例係5:5👍🏻 泡菜亦唔係用現成泡菜，用椰菜加韓式辣醬製成，辣度啱啱好，別有一番風味！店面不算大，舖面人手眼見既有2位，不過見佢地好多外賣單，所以lunch hour都好忙，難得既係非常有禮同細心💛 絕對值得一讚！比d時間我，我決定要試晒佢餐牌上既嘢食😆

係新蒲崗番工果區都無咩黃店, 呢間小店係其中一間, 所以就決定lunch試下呢間係小店, 間舖有少少難揾, 要轉入小巷先見到小店座位比較少, 因為是一個人, 搭枱便有位子可能小店職員人手比較少, 落單同等候的時間都比較等得耐, 最後要等半個鐘先有得食以午餐泥講, set既價錢真係好抵食( ´ ▽ ` )豚肉生薑燒定食@45雖然呢個價錢比較便宜, 但味道絕對唔差!!雖然等得耐, 不過全部野食都係即炒, 豚肉一啲都唔硬半肥瘦既口感好嫩口, 好多洋蔥料, 不過我就覺得如果丼飯有多啲醬料就無咁乾整理來說, 小店lunch抵食!!後生職員態度好好, 所有食物即炒即煮既感覺好新鮮, 不過等候既時間等耐啲,如果lunch比較趕就要諗諗

星期六中午行雷閃電兼傾盆大雨，身在在新蒲崗的我非常肚餓想找一間良心黃店，突然想起這一間便去試一試，小小店内裹坐了8成人左右，望一望個餐牌有點嚇親，日式定食午餐四十幾蚊，吾係嘛，咁平質素如何呢？！都點個香葱豚肉卷定食，見他們是即做的，結果沒有失望，麻酱沙律新鲜，豚肉内夾了一小塊大葱同卷心菜，口感剛剛好，仲配埋一杯熱飲，只是$47……😁準備走時雨還是下得很大，後生仔侍應好窩心咁問我有冇帶雨傘！我會再來拜訪的！💪😁