再scan 一下menu,刺身,串燒,壽司,炸物,小食, 一品料理, 還有特式的心之推介, 簡直係花多眼亂, 而且價錢以銅鑼灣區來講,的確是相當經濟, 樣樣都好吸引,我同朋友唔覺唔覺都叫咗好多唔同款式呀～
🔮厚燒牛舌心
牛舌差唔多有1cm厚,口感軟腍,外面灑上鹽和黑椒,甘香惹味,牛味濃郁
🔮燒雞腎
爽脆煙韌又香口, 塗上日式燒汁來燒,更是滋味呢～
🔮燒雞軟骨
又脆又香口, 表而燒到金黃再加上微燶邊邊,調味又剛剛好,好正呀～
🔮燒芝士翠肉瓜
濃郁的芝士味配上新鮮的脆肉瓜,爽甜又帶芝士的咸香味
🔮蒜燒日本大扇貝
🔮蒜香燒蠔
舖上枱已聞到濃郁的蒜香味, 扇貝大大粒,非常有口感; 我一向都好鍾意食燒蠔, 肥美又有豐富的蠔汁, 再加上烤過的蒜蓉,鮮香濃郁又提味,真心正~
🔮香蔥石板牛舌
因為個串燒牛舌太好食,所以加單再點咗另一款牛舌, 這款是鐵板燒上, 牛舌切成條狀,依然成cm厚, 以大蔥和椰菜絲等一齊炒香, 牛舌軟腍滿滿牛香, 以鐵板燒烹煮方式,又有另一番的風味, 兩款牛舌都好好食呀,而且份量真的不少呀～
🔮心之火焰鐵板牛柳串
見到好多客人都點這道, 真的有驚喜呀！將兩串大大串的牛柳插住係個大大塊的菠蘿上面,賣相勁有睇喜,上菜時店員更即席淋上清酒,再點火,嘩！來一個視覺刺激,很有氣勢呀～牛柳十分軟熟,濃郁的牛味再加上微微的清酒香, 真係好睇又好食呀我
🔮帆立貝蟹籽杯
大大粒刺身級的帆立貝, 和砌到成個小山丘咁樣嘅蟹籽,帆立貝新鮮肥厚, 入口鮮甜, 而底部就係壽司米飯,整杯份量很多,以cocktail 杯做裝住,整個presentation 很高貴呀！仲好好打卡！
🔮心之魚生飯
這是餐廳的心思之作, 將個魚生飯加點小心意,弄成心形,而飯也有3層,個人覺得更似一個魚生飯蛋糕, 上面舖滿各款魚生粒, 份量超多,整體賣相好吸睛,再配上一個心形碟,心心相印咁, 完全是誠意滿分,這個飯用料新鮮而且份量很多,絕對2-3人份量呀～
餐廳還有很多不同款式的日本清酒, 和日式飲品, 食住串燒, 小酌幾杯,都真係幾爽㗎!
