福岡漢堡扒 (鴻威大廈) (已結業)

📍福岡漢堡扒呢間餐廳我本來以為係日本野，點知原來係韓國過江龍熱石和牛漢堡扒😳原本係尖沙咀，而加仲係旺角開埋分店，每個位都有獨立既抽氣管，絕對唔會食到一陣味，事關我都係勁怕油煙味既人，但食飽走人嗰陣件衫完全無事🥸👅芝士蛋蒜和牛漢堡扒叫左個二人餐，入面包左2份熱石和牛漢堡扒，餐廳將免治和牛mix香料然後搓到一個波，加左芝士，蛋同蒜片放係塊鐵板上面，鐵板旁邊就放左一舊極高溫既熱石。店員問我地有無黎食過，我地無試過，店員都好細心示範比我地睇🫶🏻首先將和牛慢慢切成細塊放上熱石到煎，可以自己加啲芝士，輕輕一壓就見到和牛肉既油脂飛哂出黎，每邊煎三秒就可以反，重複幾次就食得，入口熱辣辣，肉味好香濃，煎到有種外脆內軟既感覺。店員仲會不定時換石，確保高溫🔥👅月見味噌牛丼呢個二人餐真係唔使怕唔飽，除咗有沙律同埋餐湯，仲有呢大碗飯，上面有隻生蛋黃，上枱可以撈左先，飯底有菇同蔥花，面頭既牛肉份量都唔少，總括而言會飽到抱住個肚走🤣👅巨峰提子特飲呢杯特飲大杯到要兩隻手拎，好解渴，完全適合食完燒漢堡扒gur一gur😛