影片
開飯介紹
來自韓國的品牌，主打不同口味的石燒和牛漢堡扒，以100%澳洲和牛製作，並供應爐具讓客人自行煎漢堡扒，好吃又好玩；另外亦有供應牛丼。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
-
網上訂座服務暫停
呢間漢堡扒有啲驚喜嘅，驚喜嘅係可以自己烹調堡扒嘅幾成熟，喺外邊食漢堡扒，一般都係已經烹調好。但係呢度會有一舊熱石，每次用特殊器具切割一份，之後放喺熱石上面根據自己喜愛嘅熟度去煎熟。職員都好細心會問我哋係咪第一次食，教我哋應該點樣去煎，大概要煎幾耐，如果煎得太耐就會燶唔好食。同埋食到一段時間舊熱石開始唔夠熱，職員會主動行過嚟同我哋講幫我哋換過一舊，因為唔夠熱就煎唔到嚿肉，所以我覺得服務真係好好，價錢方便唔算平，唔係間中食我覺得冇問題嘅。
繼續閱讀
之前喺韓國同埋日本都有食過自己燒嘅漢堡扒，終於喺香港都有得食啦😍😍套餐有分大中細，分別係粒「肉丸」嘅大細。作為食肉獸既我，一定係揀最大啦。除咗漢堡之外，跟餐仲會有泡菜等嘅配菜，同埋白飯。上菜嘅時候，店員會用個鐵板裝住舊全生嘅漢堡扒，同時都會有舊滾熱嘅鐵放喺側邊俾你燒熟佢。唔洗驚有太大嘅油煙味吸咗喺個身同頭髮度，因為佢有個抽煙系統對正舊鐵，基本上一出油煙就會即時吸走，啲油煙冇機會去到你度。首先，將舊生嘅漢堡扒分一小塊出嚟，然後放上滾熱嘅鐵道燒熟，可以自己控制生熟度，呢個係最吸引到我嘅地方。平時我都好少食白飯，但係呢個漢堡扒好多肉汁，送飯真係一流🤤雖然店內環境有啲擠擁，同埋空氣唔算好流通。但係我成日都會約朋友去，朋友個個都讚好。
繼續閱讀
經過見到lunch都幾多選擇所以入去試下 不過午市要加一有湯前菜飲品 都係罐裝飲品 揀左coke zero前菜有泡菜同沙律醬伴椰菜絲湯就係麵豉湯 可以無限添韓牛乒乒乓拌飯 ($59)好大碗 有肉碎 煎蛋同沙律菜 另外有韓式辣醬肉碎食落冇咩牛味 都要靠撈個醬另外煎蛋蛋黃有流心 岩哂撈飯整體味道都ok 食得飽同埋價錢可接受👌🏼
繼續閱讀
終於等到佢哋減價啦，依家比之前平左一半，真係超抵，對上一次食係佢哋做緊放題嘅時候，估唔依家會減價質素都依然保持得好好，非常有水準！店員服務亦很好，主動幫我哋換石頭，等我哋唔使凍住咁燒而且石頭嘅溫度肉啱啱好，又唔會太快煮燶，唔識煮嘢食都超快可以上手 ，自己燒俾自己食真係好有新意好有創意，出面暫時都未搵到同類型可以自己燒俾自己食嘅舖頭。之前都介紹咗幾個朋友去試，大家都一致好評，超好食! Yummy 非常之推介大家去試
繼續閱讀
#20240919 📝📍 福岡漢堡扒 旺角花園街3-5號鴻威大廈地下7號舖 🍽️深水埗深旺道28號V Walk 2樓L2-17號舖➖➖➖➖➖➖➖➖➖➖➖➖➖➖➖➖➖#兩人套餐Set2 $355 🥢 #前菜💭 個前菜menu無寫所以尼果陣有啲驚喜😛比左碗麵豉湯同埋芝麻醬椰菜絲沙律，仲有少少泡菜，全部都係開胃野，食住等主菜都唔錯🥗. 🥢 #墨西哥辣椒韓牛漢堡扒 🥢 #芝士蛋蒜韓牛漢堡扒 💭 第一次玩呢隻自己煎既漢堡扒🐮雖然佢大大舊咁上枱，但其實係要切開一啖既份量落塊石度煎，壓一壓之後每2-3秒就要反反佢，唔係好快會燶，店員姐姐都好好service，時不時就過尼換舊熱石🪨按個人喜好可以燒到佢外脆內軟，肉質軟熟而且牛味好充足，簡單點燒汁食已經非常好味😋兩個扒最大分別係一個有墨西哥辣椒，另一個有芝士，少少野唔同個風味就截然不同🧀 最尾一定要食埋個索晒牛油香既蛋，煎到尾仲有燶邊既效果好正🍳. 🥢 #韓牛乒乒乓拌飯💭 呢個飯係超級大碗！兩個人食都差啲食唔晒，開頭仲驚個拌飯醬太多，懶醒落得一半點知唔夠味，發現全部落晒岩岩好喇，隻蛋都係精粹，吉穿左佢撈埋啲蛋汁食好似食緊石鍋飯咁，唔使擔心唔夠飽🍚. 🥢 #可樂 🥢 #雪碧💭 有好多野飲可以揀，連茶記凍檸茶果啲都有啲嗌，不過個鐵板熱辣辣真係會想飲返啲有汽既野gur下佢，罐裝反而唔使加錢仲使乜諗丫🥤.
繼續閱讀