樸生•素食 (已結業)

依家成日都講健康素食，所以出咗好多新穎嘅素食自助餐，不過韓式嘅素食自助餐我就真係第一次食。不過估唔到質素同埋水準亦都令我覺得幾驚喜。餐廳主打嘅嘢食多數都係韓式嘅食物，今次就揀咗係中午嘅時候黎試吓依間自助餐。食物款式都幾多下，每樣都拎咗少少利是，我個人最鍾意嘅就係泡菜煎餅同埋素天婦羅。然後其實仲有好多款食物嘅選擇，有泡菜、炒雜菜、炒飯同埋豆腐等等嘅食物。仲有唔同嘅沙律菜俾我哋揀。跟住餐廳仲準備咗兩款湯，分別係泡菜湯同埋蠔仔紫菜湯兩款湯都好清甜同埋感覺好健康所以都覺得幾值得一試。另外有一個好貼心嘅飲品位置就係準備咗幾款唔同種類嘅花茶同埋水果茶俾我哋自己沖，我最鍾意就係有柚子蓉同埋蘋果蓉俾我哋沖熱水飲另外餐廳除咗有好多款嘅韓式素食之外仲有韓國最出名嘅紫菜拌飯，餐廳有俾埋只是我哋點樣去拎材料然之後將拌飯撈勻用手套初成一個波咁樣食，食落去有少少麻油同埋紫菜嘅香味食落去真係好開胃。最後餐廳仲有甜品俾我哋食添，分別係豆腐花同埋芝麻糊，兩款嘅甜品都係養顏健康所以覺得成餐飯都食得好開心。