東寶小館 (已搬遷) 新店位置

聽講東寶小館除左野食得之外，仲有表演睇，今日食過之後真係聞名不如見面。先講野食，total叫左4樣野。1. 蟹籽粉絲(必食)，用煲上既粉絲唔會好乾，條條分明，充滿蟹籽，味道濃郁。2. 風沙雞(必食)，肉質嫩滑，咬落有肉汁，味道亦好好。3. 腐乳炒生菜頭，第一次食生菜頭，以為會好硬點知炒得好腍👍🏻。4. 鴨汁糯米飯，係生炒糯米飯加鴨汁，濃而不膩，食過番尋味。講番個表演，大概八點幾開始，場內音樂會突然好激昂，現場觀眾的情緒變得高漲。東寶老闆就會出黎跳MJ舞，邀請客人一齊跳同飲酒。雖然埋單會比一般小菜地方貴，但絕對值回票價。