泰.夯蝦 (已結業)

無限任食。第一次去，選擇坐喺魚缸隔離。雖然好得意，但係會整到半張枱都濕晒。建議坐喺卡位。佢個爐火力非常之唔均勻。只有中間好少嘅地方可以燒到嘢食。每次只可以少大概三隻蝦左右。所以燒嘢食要有耐性同埋策略。除咗可以無限夾蝦食，仲有扇貝，蜆，蠔。扇貝好薄，但可以接受。蜆有一半都會有沙，我都可以接受嘅。只係見到有沙就唔食。因為我唔鍾意食蠔所以冇食過。佢仲有啲可以燒嘅嘢食。腸仔，午餐肉，一般燒肉店會有嘅肉，台灣腸仔。至於熟食，都有一啲炸物，粉飯，湯。飲品都有好多種類。不過酒精飲品要加錢。甜品有coco berry 雪糕。有好多唔同雪糕口味。食咗奶茶，綠茶同埋cookies and cream口味。全部都好好味。整體來講好好玩。但都有啲殘忍嘅。唔好諗住可以食好多，除非你係一個專業剪蝦員。又要夾蝦想來，又要整暈佢，之後仲要剪晒手手腳腳，我哋仲要開邊添，好嘥時間。本來諗住食20隻蝦嘅我，最後都只係有心機食四五隻。因為處理時間太耐，冇耐性。我唔知係咪因為我自己嘅問題，食完個肚有少少唔舒服。我覺得係我自己大意，燒野唔太熟。大家一定要有耐性慢慢等。至於環境，我平日去。book咗五點，全場大概得三份一入座率。所