影片
更多
2021-12-13
67 瀏覽
💋今次叫左冬季特選料理一鐵板燒×涮涮鍋，貪佢有得食火鍋又可以食鐵板燒，真係慳家的小寶寶(公認)。💋落單後侍應好快就送上沙律，侍應介紹係芒果汁沙律，菜菜食落爽口新鮮，配埋芒果汁，有種酸酸甜甜的味道，幾開胃下，我諗應該會有個唔錯嘅開始。跟住就係食茶碗蒸，連上湯同冬菇蝦白果等材料一齊蒸，足料，味道香濃，而蛋就蒸得好滑，正。💋清湯牛肉鍋，入面有好多唔同種類嘅菜金菇紅蘿蔔仲有芋絲等。一開頭聽到係清湯以為會好清淡，但呷一口就知錯了，味道都唔錯，加埋唔同種類嘅菜一齊煮，味道都幾豐富。佢跟餐仲有西冷和牛同埋豬肉片，小孩才會做選擇，我全都要，佢D和牛雪花均勻，畫面真美，牛肉味濃,，豬肉片肉質都唔錯，索左湯底的味道，食落香濃美味。💋見佢個湯底唔錯，所以我哋即刻決定最加個海鮮拼盤，唔好浪費美好的湯底嘛，拼盤有花虎大蝦廣島蠔同埋帶子。隻蝦係超級超級大隻，小妹差點被嚇親，肉質新鮮彈牙，廣島蠔SIZE適中，肉質鮮美，而帶子厚度唔錯，食落都彈牙又冇雪味，侍應仲會幫你煮埋處理埋，好貼心的說，唔使郁手又有得食好好味嘅海鮮，感覺美好，同埋佢嘅服務係俾你感覺到佢好有心做好件事，但係又唔會好刻意。💋雖然食完個火鍋我哋已經飽咗
💋今次叫左冬季特選料理一鐵板燒×涮涮鍋，貪佢有得食火鍋又可以食鐵板燒，真係慳家的小寶寶(公認)。
💋落單後侍應好快就送上沙律，侍應介紹係芒果汁沙律，菜菜食落爽口新鮮，配埋芒果汁，有種酸酸甜甜的味道，幾開胃下，我諗應該會有個唔錯嘅開始。跟住就係食茶碗蒸，連上湯同冬菇蝦白果等材料一齊蒸，足料，味道香濃，而蛋就蒸得好滑，正。
💋清湯牛肉鍋，入面有好多唔同種類嘅菜金菇紅蘿蔔仲有芋絲等。一開頭聽到係清湯以為會好清淡，但呷一口就知錯了，味道都唔錯，加埋唔同種類嘅菜一齊煮，味道都幾豐富。佢跟餐仲有西冷和牛同埋豬肉片，小孩才會做選擇，我全都要，佢D和牛雪花均勻，畫面真美，牛肉味濃,，豬肉片肉質都唔錯，索左湯底的味道，食落香濃美味。
💋見佢個湯底唔錯，所以我哋即刻決定最加個海鮮拼盤，唔好浪費美好的湯底嘛，拼盤有花虎大蝦廣島蠔同埋帶子。隻蝦係超級超級大隻，小妹差點被嚇親，肉質新鮮彈牙，廣島蠔SIZE適中，肉質鮮美，而帶子厚度唔錯，食落都彈牙又冇雪味，侍應仲會幫你煮埋處理埋，好貼心的說，唔使郁手又有得食好好味嘅海鮮，感覺美好，同埋佢嘅服務係俾你感覺到佢好有心做好件事，但係又唔會好刻意。
💋雖然食完個火鍋我哋已經飽咗一大半，但係終於嚟到最期待嘅部份，呢個就係鵝肝多士，無論幾飽都會留有一席比佢，睇住廚師係你面前用鐵板煎，一路睇一路口水不自覺地湧出，好香，再即刻上枱真係好正。鵝肝就唔使講當然係好好食，油香豐富，又勁厚，配埋脆脆地的多士，一軟一脆，層次豐富。
💋宮崎和牛炒飯，美好的一餐用呢個飯作結，絕對係一個完美的ending，炒飯炒得粒粒分明，又唔會話太油膩，配埋雞蛋牛肉同埋菇類，食落口感豐富又唔會太DRY，中間夾雜住官崎和牛的香味, 真係可以為今日畫上完美的句號。
人均價格－ hkd 800 (dinner)
張貼
