Top Blade Steak Lab (新城市廣場一期) (已結業)

今晚去開新城市行街，大家都想据下扒，發現呢間都幾多好評，一於試下。門面唔會好突出，比較簡潔，入面都幾多座位。服務員都好殷勤，會介紹返唔同既扒類。同呢度特別之處係佢啲薯條係無限refill，可以自由配搭黑椒同鹽，仲要新鮮炸起，熱辣辣。我地分別要左美國prime 既平鐵牛扒 三成熟，牛既肉質鮮嫩，火喉恰到好處，唔會過靭，配上薯蓉，口感細滑。另一份要左西班牙粟飼豬鞍扒，上碟超大份，夠哂厚切，食落超級飽肚。豬鞍扒油脂分布均勻，咬落充滿肉汁，夠哂抵食。飲品試左自家調製既iced dirty lemonade 檸檬特飲，酸酸甜甜，帶有柑桔既果肉，好清新開胃。另一杯係mojito ，清新薄荷檸檬梳打，一解油膩感。