銀杏館 (已結業)

一早聽過【銀杏館】，亦一早聽過，呢度聘請咗唔少長者，而且仲係用有機蔬菜，但至於好唔好食？小弟朋友少…未聽過！其中一位碩果僅存嘅朋友話，好唔好味，唔係靠對耳仔，而係靠自己嘅味蕾！又幾有道理wor……早幾日，終於有幸嚟到太子銀杏館，呢度地方唔大，但齊齊整整，有四五位長者侍應，態度非常友善，其中一位每句都夾雜英文單字，而每幾句當中，再加一個唔係幾好笑嘅笑話，面對咁有趣嘅長者，真係未食都已經加分！我地五條友，叫咗黑椒牛仔柳茄子煲骨香倉魚球半隻炸子雞梅子排骨菜卷千層同梅菜扣肉原本對骨香倉魚球冇乜期望，點知一上枱，見炸得鬼咁靚，件件金黃色，唔過火又唔油膩，外脆內滑兼有鮮味，居然有驚喜！個茄子煲份量十足，裝滿晒成個煲，牛肉韌咗斗零，不過茄子好入味，撈飯一流！梅菜扣肉雖然唔係入口即化果隻，但舊舊都充滿梅菜嘅甘香，又係撈飯嘅好朋友！炸子雞皮脆肉都算嫩，合格有餘！梅子骨酸酸甜甜，味道唔錯，不過肥膩咗少少！更正嘅就係除咗白飯，仲有三色飯供應，啱晒我呢d好色之人！最後埋單一千多少少，喺咁嘅地區，價錢算係高咗少少‧不過雖然如此，我地都好豪咁俾咗一百蚊貼士！原因好簡單，因為佢地會將收到嘅小費，全數捐俾慈善機構，今