鮪世市場 (已結業)

將軍澳係我地頭，住喺呢度都幾十年，厚德街市轉左型，都有三幾年，入嚟除咗開午餐之外，今晚特登走嚟望一望，竟然有日本嘢食，平時都覺得冇乜特別，但係估唔到竟然係一間隱世美食，亦估唔到咁抵食，兩個人坐低叫嘢唔係好多，一刺客刺身盛 ，有八爪魚兩件，三文魚兩件，油甘魚兩件，呢個刺身100蚊搞掂， 真係好味，最主要係鮮，刺身大家都知，三分時間就差一級，地區早晚又一級，所以價錢成正比，這盤算係超值先。仲有個鮑包魚刺身一隻㖭38元慢煮冰鎮，入口爽滑調味好，跟住有劍魚腩壽司兩件，特大赤海蝦壽司兩件，火炙帆立貝壽司兩件，火炙三文魚壽司兩件，火炙左口魚裙邊壽司兩件，20元至30元平均比迴轉貴小小，但係入口同服務就非常唔同，廚師在前，食品端放在面前，感受真係好大分別，仲有個本鮪盛四貫，早知唔落單喇，己經飽飽，好彩都搞得掂，入口唔難，好味嘛，要慢慢消化就又要行多兩圈清化下嘞!落樓都係七百幾，真係又平又靚又抵食，咁嘅價錢兩個人一個晚餐。估唔到有咁近嘅地方，可以補一補啲純日本口味，同一般輪迴壽司 嘅日本料理完全唔同嘅感。