1
今次真係大開眼界！一入場就見到1:1九巴車頭打卡位，仲有古董巴士展覽，未食已經興奮！自助餐主打港式懷舊菜，
八寶鴨去骨功夫了得，鴨肉包住滿滿配料，入口即化；鳳城炸鮮奶加日本蜜瓜，外脆內軟超驚喜！
海鮮區有即開生蠔同冰鎮龍蝦，新鮮到不得了～
1
最吸睛一定係九巴造型甜品！橙酒杏仁蛋糕成架巴士咁款，九巴仔蜂蜜蛋糕得意到唔捨得食！
仲有懷舊錢箱造型蛋糕，打卡呃like一流！小朋友仲可以玩巴士彈床，大人細路都滿足！
整體9/10分，食物質素高+打卡位多，巴士迷真係要試！記得book定窗口位，可以望住沙田車廠食飯㗎～ 主題去到8月31日咋！
2
1
