96
24
21
港鐵石門站B出口或第一城站 D 出口，步行8分鐘
繼續閱讀
電話號碼
36531168
開飯介紹
位於沙田的酒店餐廳，設270呎的自助餐桌，提供各式各樣的多國菜，如意式千層麵、天婦羅、即煎牛扒、片皮鴨等。自助餐亦設有下午茶、晚餐時段。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關餐廳
有關獎賞計劃
招牌菜
食家推介
相關文章
好耐無食過酒店自助餐，趁暑假約埋朋友一齊去食🍽️，今次仲試新野，遠征沙田石門 #帝逸酒店 Alva House 開餐🤩自從有左屯馬線🚆，即使住新界西既我都係一程地鐵即到，都幾方便喎。Alva House 今期做緊「泰．韓滋味海鮮自助晚餐」一系列泰式及韓式美食啱晒炎炎夏日。泰式菜餚有 泰式牛肉沙律、泰式烤魚、泰式青咖喱鴨肉、泰式黃咖喱雞肉，集齊酸、辣、香、濃口味。而韓式佳餚有滋補清潤既韓式人蔘雞、輕宜滋味既韓式拌飯，品嚐正宗韓式風味。恆常食物更可以目不瑕給來形容，選擇之多係每款食一件都夠飽到捧住肚走😝。海鮮方面是矚目 #即開生蠔，真係好鮮味，海水味夠又唔過鹹，愛蠔既一定可以食到回本。#冷盤海鮮 有開邊龍蝦🦞、麵包蟹🦀、蟹腳、大蝦🦐、青口等等，refill快，唔洗搶，一定可以食到好滿足。#刺身 同樣新鮮，即點即切，仲要好豪氣厚切，大大塊三文魚🍣特別有口感，入口新鮮，冰凍甘香。阿根庭紅蝦肉黏稠鮮味，入口即溶。仲有多款壽司，賣相精緻😋。其他必食推介仲有明爐片皮鴨、煎鵝肝、鐵板燒、爐端爐、各式炸物等等，選擇超多，流轉快，所以都保持到新鮮和熱度。最後一定要留肚食甜品🍰，長長既甜品櫃擺左幾十款精緻小切餅，仲有呼應主題既泰式芒果糯米飯🥭，濃椰汁加芒果和香軟糯米，令人垂涎。小朋友最愛梗係雪糕啦🍧，除左有Häagen-Dazs 雪糕任食，仲有鮮製意大利Gelato雪糕，有充滿熱帶風情嘅榴槤及🥥椰子雪糕，仲有好fresh既🍋檸檬茶和🍑香桃雪雪葩，認真透心涼❄️。小朋友黎到除左食，仲有得玩。有幾個攤位遊戲俾食客玩，小朋友可以盡情放電，玩遊戲仲有機會贏小禮物🥳另外仲有2米高充氣彈床俾小朋友盡情喧嘩無限放電，真係好適合一家大細去玩去食。
繼續閱讀
一年前公司聚餐食呢間,我出post鬧爆咗🤯~一年後公司又去呢間,心中暗罵咗好耐😒...但今次去食,喜見佢真係有好大進步👍,所以都要出post讚下~今次去嘅職員態度好好多,雖然我哋成幾十人喺lobby轉嚟轉去都係無人理😂😂~但負責嘅職員出嚟見到我哋都好好笑容😊~上次最正常嘅串燒同炸物今次終於有比較易拎了🍢!(起碼每次出去都見到有幾款)水準仍然唔錯,炸海鮮卷🐟同埋天婦羅蔬菜都好食🥔~皮夠薄,但蝦有少少梅🦐...而串燒真係必食,雞腎,大葱,雞皮都好推介~其他同事拎到五花腩嘅都話好正😋~今次生蠔不見了🦪,變成咗長腳蟹🦀同龍蝦鉗🦞~長腳蟹都有海水味,味道亦夠鮮,不過龍蟹鉗好鮮甜,更勝一籌~至於刺身種類唔算多,我就獨愛希靈魚同八爪魚🦑,八爪魚完全無筋,比預期中好~甜品控上次鬧到佢嘅甜品一文不值,今次真心覺得最大進步獎屬於甜品部🏆!上次去係好多舊式屋村西餅店款,啲螢光粉紅螢光綠嘅西餅🍰...但今次起碼賣相都靚咗好多!舊朱古力蛋糕係會令我想encore嘅~而同事食咗焙茶蛋糕,話比朱古力蛋糕🍫更encorable,實在不得了~仲有啲榴槤奶凍,椰青凍呢啲都廣受好評~
繼續閱讀
-𝘼𝙡𝙫𝙖 𝙃𝙤𝙪𝙨𝙚 自從帝逸酒店開左之後都好想黎呢度食自助餐身邊有好多朋友同事都試過話好唔錯第一次黎就想平少少試下個早午餐先✨悠享時光週末自助早午餐 ($538)呢個時段主要係食餐廳恆常美饌主打各地新鮮精選食材 / 水耕菜 /有機及可持續食材可以吃飽喝飽既同時滿足健康所需餐廳有多個開放式廚房同多個即煮攤位為客人即席烹調 確保新鮮製作之餘 又可以滿足視覺同味覺🌽爐端燒不停有多款串燒供應 包括雞肉串 / 蕃茄仔 / 秋葵 / 番薯仔 / 粟米等等 要久唔久番去捕住有咩野食~🍤日式天婦羅可以見到師傅即席炸天婦羅有炸蠔 / 炸魚柳 / 炸蝦等等未試過自助餐都可以有勁多食用鹽選擇竹炭鹽 / 喜馬拉雅粉紅鹽 / 綠茶鹽 / 蘿蔔蓉等等🌊海鮮區刺身 - 有三文魚/ 帶子/ 吞拿魚/ 八爪鱼/ 油甘魚/ 鯛魚等等即開生蠔 - 拎左幾輪都係好新鮮 甜美 師傅都清得好乾淨 而且完全冇異味冰鎮海鮮 - 波士頓龍蝦 / 麵包蟹 / 凍蝦 / 藍青口 / 普通青口全部都係大大隻又啖啖肉 refill得好快🥩熱葷中西日韓印式既菜都有- 烤肉眼扒 / 威靈頓牛扒 / 原隻烤乳豬 - 多款咖哩配roti- 粵式燒味 / 港式粉麵粥配各式各樣既配料- 中湯都好足料 有媽媽煲湯既味道- 韓式泡菜豬肉 唔會好辣 但都香口🍨特色甜品有自家製意式雪糕 / 多款精緻蛋糕 / 港式糖水/ 葡撻 / 水果撻 / 百香果慕絲等另外每日設有4款Häagen-Dazs雪糕好開心係自助餐有得食熱豆腐花同士多啤梨千層蛋糕~食落有層次感 口感鬆化 甜品都幾有驚喜🍓🍻飲料吧最特別之處係有個即席調配cocktail 既位置首先會bartender 會簡單介紹有咩款式可以根據自己既口味再作少少調整 🥳另外仲有多款咖啡奶茶檸茶可以自己沖✨整體黎講 我覺得係現時香港自助餐質素較為中上💗無論係價錢 質素 款式同服務都係物有所值 值得回頭見到佢地仲有個以龍蝦為主題既晚市自助餐 都好想試下
繼續閱讀
今日同老公女女去食自助晚餐，因為係會員所以有半價，以為會一般。點知食物比想像中豐富，而且好味😋 種類多，特別係甜品區，我平時唔太食甜品既都試左好多款！雪糕種類好多，有Häagen-Dazs, 佢地自家雪糕都唔錯！仲有好多隻味揀！ 龍蝦生蠔都好快有人拎，生蠔比較細，熱食種類有泰式韓式中式西式。日本食品區多款刺生，海膽魚生飯好好味！一再anchor! 燒烤區雞翼粟米好味！鴨肝好味！！ 我見好多家長都有帶小朋友黎。但可惜今日小朋友playroom 無開，如果唔係女女就可以多樣野玩！食到甜品先記得影相😂😂😂下次會再黎！
繼續閱讀
和朋友慶祝生日，join 咗會員有買一送一優惠。地點較偏，在石門站和第一城站中間。早到咗要在門口排隊等入。食物方面，冷盤有蟹鉗, 長腳蟹，藍青口，凍蝦， 刺身有三文魚，吞拿魚，油甘魚，八爪魚和希靈魚， 但今天吞拿魚不新鮮很難食，其他一般般。熱盤我不太好，但有乳鴿食，雖然細隻但幾好味。 另外有串燒，燒牛肉，羊脾，燒味，咖哩， 麵檔，天婦羅。甜品很多選擇，細細杯每款可試少少，另外有H牌雪糕，豆腐花和紅豆沙。折後連加一$477， 坐足3粒鐘，度過一個愉快嘅閒日.
繼續閱讀