影片
更多
2018-09-13
36 瀏覽
幾個月無去日本，好想找回日本既感覺，於是今晚就book左間聽講日本風味好濃既新餐廳 花木。餐廳位於尖沙咀一座幾靚既大廈內，上去既過程舒適，唔洗排隊、同人逼。上到去，一見到門口，已經幾有驚喜，當時呢個reception個位企住一個著住白色和服既短髮女仔，加埋背景既日本古樂，個感覺好似去左日式溫泉旅館咁，誇張d講，我果刻聯想起千與千尋！餐廳內環境好舒服，裝飾簡潔得黎好優雅，位同位之間既空間唔少，背景有古風音樂，氣氛典雅。手機相完全呈現唔到呢度果種氣氛！其實現場好有空間感！係我地揀緊野食時，待應上左新開張限定既贈品，係前菜——明太子、蟹仔，擺盤好精美！前面係明太子，話說其實我係福岡試過食明太子，自此就怕左呢樣福岡名物，因為佢個味太鹹、太奇怪、太腥，於是見到待應話呢個係明太子果時我都有d驚，點知食落，呢個完全唔係我記憶中果種（劣）味！！呢個好好味，比較似蟹子，加埋師傅特別既做法，將佢地整成正方柱粒，再加d醬，成件事打破左我對明太子既想像，原來明太子都可以好好味！後面有隻蟹仔，仲有個架同籃仔，其實個籃仔入面都有一隻蟹仔！係咪好得意，我覺得真係好可愛佢送既前菜其實仲有d酸既蒜片，但上圖無入鏡，味道
餐廳位於尖沙咀一座幾靚既大廈內，上去既過程舒適，唔洗排隊、同人逼。
上到去，一見到門口，已經幾有驚喜，當時呢個reception個位企住一個著住白色和服既短髮女仔，加埋背景既日本古樂，個感覺好似去左日式溫泉旅館咁，誇張d講，我果刻聯想起千與千尋！
餐廳內環境好舒服，裝飾簡潔得黎好優雅，位同位之間既空間唔少，背景有古風音樂，氣氛典雅。
手機相完全呈現唔到呢度果種氣氛！
其實現場好有空間感！係我地揀緊野食時，待應上左新開張限定既贈品，係前菜——明太子、蟹仔，擺盤好精美！
前面係明太子，話說其實我係福岡試過食明太子，自此就怕左呢樣福岡名物，因為佢個味太鹹、太奇怪、太腥，於是見到待應話呢個係明太子果時我都有d驚，點知食落，呢個完全唔係我記憶中果種（劣）味！！呢個好好味，比較似蟹子，加埋師傅特別既做法，將佢地整成正方柱粒，再加d醬，成件事打破左我對明太子既想像，原來明太子都可以好好味！
後面有隻蟹仔，仲有個架同籃仔，其實個籃仔入面都有一隻蟹仔！係咪好得意，我覺得真係好可愛佢送既前菜其實仲有d酸既蒜片，但上圖無入鏡，味道酸酸地又鹹鹹地，幾清新，係好好既開胃菜
到主食啦
刺身—6本 588HKD 有中拖羅架，亦有帶子
每款好肥美！
其中最impressive既係帶子！好鮮甜！師傅加左片青檸係底，食落既味道好神奇！好清甜，超好味，友人甚至話食到豆腐味！哈哈真係唔係平時食到既味。
中拖羅，我地兩個本來都好鐘意食呢種刺身，而呢個都好好味，佢入口起初會無咩特別味，但食食下拖羅既香味就會越黎越濃，超正！！！好幸福既感覺
蝦都好特別，佢真係feel落玻璃d，d肉咬落脆口架！其他既刺身都好味，不過最深刻就係以上三種！
本來想叫特製壽司，因為我地都幾鐘意fusion既壽司，不過職員話今日無啊，所以我地就轉為叫d傳統既壽司食。
三文魚壽司既飯好似係日本傳統壽司店見到既咁，有鼓油沾滿，不用再自行調味了。
唔錯唔錯，睇外形都feel到師傅功架食落係好味，不過就無特別深刻既印象。
海鰻壽司，一黎已經有d驚喜，好肥美又燒得好靚好香！
食落，嗚哇不得了，呢件好正，覺得係必試，好好味，真係燒得好好味，又多肉，魚味鮮甜，正正正。不過唔好太開心一野吞落口，因為都會有微量既骨（但真係得一兩條），不過都係極幼細既，輕鬆咬碎吞下就可。
串燒，牛肉芝士，都唔錯，牛肉調味幾惹味，入面芝士唔係濃味果種，角色較似增強口感，佢包係牛入面，食落感覺變左吃緊好肥美既牛咁，d芝士好似成為左牛既肥肉，好得意！彌補了牛肉本身唔算勁靚既肉質。
另外我地仲叫左燒雞翼鵝肝。最肥嘟嘟個位包住左鵝肝。
雞翼燒得勁好味，個皮好好損
肉質唔錯，不過因為外面好濃味，食到入面既鵝肝好似就唔算好feel到佢鵝肝個味，認真d 留意會feel到少少，但唔留意有機會會當埋雞肉咁食左HAHA。
叫左以上既食物，都啱啱好夠飽，埋單1000蚊，每人500蚊，
整體上都幾好味，伏就一定無，而當中有兩三樣食物屬於勁好味/勁驚喜既level，食埋個環境、氣氛、服務，500蚊都算唔錯既。
張貼
